LEXO PA REKLAMA!

SHKARKO APP

E fundit!

x

Yuri Kim, për paratë ruse në politikë: Kërcënim serioz

15 Shtator 2022, 15:09, Politikë CNA
Yuri Kim, për paratë ruse në politikë: Kërcënim
Ambasadorja amerikane Yuri Kim

Ambasada amerikane, përmes një reagimi në rrjetet sociale, ka zbuluar detajet e takimit të diplomates amerikane Yuri Kim me kreun e KQZ-së, Ilirjan Celibashi.

Në takim është diskutuar mbi financimet e fshehta ruse në politike, ku ambasadorja amerikane e quajti një kërcënim serioz për demokracinë.

Në reagimin nga ambasada amerikane theksohet se SHBA-ja do të vazhdojnë të punojnë në të gjitha institucionet demokratike të Shqipërisë për mbrojtjen ndaj këtyre kërcënimeve.

Postimi i plotë i ambasadës amerikane:

Ambasadorja e SHBA Yuri Kim u takua me Kreun e Komisionit Qendror të Zgjedhjeve Ilirjan Celibashi dhe përfaqësues të partive politike sot për të diskutuar kërcënimin serioz të financimeve të fshehta politike ruse si dhe kanosjen që kjo paraqet për demokracinë dhe përpjekjet anti-korrupsion. Kërcënimi i financimit të fshehtë politik rus nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave. Shtetet e Bashkuara do të vazhdojnë të punojnë me partnerë në të gjitha institucionet demokratike të Shqipërisë për mbrojtjen ndaj këtyre kërcënimeve./ CNA.al

 

Lajmet e fundit nga