web counter
LEXO PA REKLAMA!

SHKARKO APP

App Store
Google Play

E fundit!

x

VIP-at videomesazhe për Veliajn/ Këlliçi apel të fortë artistëve

4 Maj 2023, 18:17, Politikë CNA
VIP-at videomesazhe për Veliajn/ Këlliçi apel të
Kandidati i koalicionit “Bashkë Fitojmë”, Belind Këlliçi

Personazhe të njohur të artit kanë nisur të publikojnë prej disa ditësh videomesazhe në mbështetje të kandidatit të PS-së për Tiranën, Erion Veliajn.

Por gjatë një turi në kryeqytet, kandidati i koalicionit “Bashkë Fitojmë”, Belind Këlliçi bëri një apel për artistët.

Ai kërkoi që ata të shikojnë relitetin e qytetarëve para se të mbështesin realitetin e Veliajt.

Gjithashtu, kandidati i opozitës i kërkoi personazheve “VIP” që të dëgjojnë denoncimin e Mimoza Telës, një banoreje të Bregut të Lumit, e cila tregoi se si PS i kishte kërkuar vota në këmbim të 50-100 mijë lekëve.

“Kam një apel për të gjithë ata VIP-a, që jetojnë në vila miliona euro, për ata këngëtarë, artistë, që mbështesin këtë realitet, që mbështesin Erjon Veliajn, të dëgjojnë Mimoza Telën dhe të kuptojnë se kush është realiteti sot në Tiranë dhe kush është sjellja e kryebashkiakut të Tiranës ndaj qytetarëve të vet”, deklaroi Këlliçi.

Ndërkohë, kujtojmë se CNA ka denoncuar se disa prej artistëve që kanë shprehur mbështetje për Veliajn, kanë marrë para nga Bashkia e Tiranës.

Të tillë janë reperi Rigels Rjaku, i njohur si Noizy, i cili mori 50 milionë lekë për koncertin privat “Alpha Show” dhe këngëtari Ermal Meta, i cili mori 85 milionë lekë për një koncert që u tha se ishte falas./ CNA.al





Lajmet e fundit nga