web counter
LEXO PA REKLAMA!

SHKARKO APP

App Store
Google Play

Rama i përgjigjet "TikTok"-ut/ "Në Shqipëri vendosin shqiptarët, jo pronarët e algoritmit të aplikacionit"

22 Dhjetor 2024, 17:18, Politikë CNA
Rama i përgjigjet "TikTok"-ut/ "Në Shqipëri
Kryeministri Edi Rama

Kryeministri Edi Rama ka reaguar në rrjetin "X" pas deklaratës së bërë nga aplikacioni "TikTok" pas vendimit të qeverisë për mbylljen e kësaj platforme.

Rama theksoi se ky reagim nuk është i nxituar ndaj një ngjarjeje, por sipas tij një vendim i këshilluar gjerësisht me prindërit dhe shkollat.

Gjithashtu, Rama theksoi se aplikacioni "TikTok" është i rrezikshëm për të rinjtë dhe fëmijët.

"Ndalimi i TikTokut për (të paktën) një vit në Shqipëri, nuk është një reagim i nxituar ndaj thjesht një ngjarjeje, por një vendim i këshilluar gjerësisht me komunitetet e prindërve në shkollat e gjithë Shqipërisë. TikToku nuk ka çfarë sqarimesh kërkon nga Shqipëria, sepse në Shqipëri vendosin shqiptarët jo pronarët e algoritmit të TikTokut. Ndërsa Shqipëria është shumë e vogël për t’i kërkuar TikTokut të mbrojë fëmijët dhe rininë nga humnerat e frikshme të algoritmit të tij, por uron që TikToku ta bëjë këtë për të mirën e të gjithë njerëzimit, përfshirë edhe Shqipërinë.

Të thuash se vrasja e nxënësit adoleshent s’ka lidhje me TikTokun, sepse konflikti nuk qenka gjeneruar nga Tik Toku do të thotë të mos kesh kuptuar as seriozitetin e kërcënimit që ajo plaftormë ka sjellë për fëmijët dhe rininë e kësaj kohe, as fillin e arsyetimit të vendimit tonë për të marrë përgjegjësinë e reagimit ndaj atij kërcënimi.

Fortlumturisht Shqipëria është një vend demokratik, ku kur mbi 90% e prindërve kërkojnë ndalimin e TikTokut dhe kur shumica dërmuese beson se shëndeti i fëmijëve tanë nuk mund t’i shërbejë platformës, po platforma duhet t’i shërbejë shëndetit të fëmijëve tanë, atëherë vendimi ynë nuk ka se si të jetë më i qartë:

Ose vetë TikToku duhet t’i mbrojë fëmijët e Shqipërisë ose Shqipëria do t’i mbrojë fëmijët e vet nga TikToku"/CNA





Lajmet e fundit nga