web counter
LEXO PA REKLAMA!

SHKARKO APP

App Store
Google Play

Veliaj “shigjeton” opozitën/ Mburret për furnizimin e Tiranës me ujë

11 Prill 2023, 15:34, Politikë CNA
Veliaj “shigjeton” opozitën/ Mburret për furnizimin e
Kryebashkiaku Erion Veliaj

Kryebashkiaku Erion Veliaj ka sulmuar sërish kreun e PL-së, Ilir Meta, dhe kreun e PD-së, Sali Berisha.

Në takimin e sotëm me punonjësit dhe drejtuesit e Ujësjellës-Kanalizime Tiranë, Veliaj është shprehur se sot 65% e kryqytetit furnizohet me ujë të pijshëm në krahasim me 10% përpara se ai të merrte mandatin e Tiranës.

"Me afrimin e fushatës, rritet edhe niveli i populizmit. Të gjithë ishim duke pritur ide serioze, si mund të shkojnë punët e qytetit më mirë. E kuptoj që shumë prej tyre nuk ballafaqohen dot me Tiranën që kishte vetëm 10% ujë, kur ishte vetëm 1/29 e territorit. Sigurisht, nuk krahasohesh dot me Tiranën që ka sot 65% ujë 24 orë dhe është 29 herë më e madhe. Por, ajo që nuk kuptoj është ky sulm ndaj qytetit, jo Tiranës, jo ndaj bashkisë sonë, por sulm ndaj nocionit të qytetit, nocionit të bashkëjetesës", tha ai.

Kryebashkiaku ka akuzuar Metën dhe Berishën se kur kishin në dorë menaxhimin e ujësjellësit dhe impiantin e ujërave të zeza harxhuan grantin japonez.

"Kur dëgjoj Sali Berishën dhe Ilir Metën, më kujtohet se ata e kishin në dorë menaxhimin e Ujësjellësit, e kishin në dorë edhe impiantin e ujërave të zeza, të cilin duhet ta dorëzonin gati, por krejt papritur e harxhuan shumicën e grantit japonez – harxhuan 90% të grantit për 30% të punës – dhe për këtë arsye, disa nga kandidatët u tërhoqën nga kritikat sepse e kuptuan se gjysmën e atyre që bënë burg për grantin japonez dhe për mënyrën si shkoi në djall ai projekti i ujërave të zeza të Tiranës, në fakt tani i kanë në listën për Këshillin Bashkiak të Ilir Metës dhe Sali Berishës”, u shpreh ndër të tjera Veliaj./CNA.al

 





Lajmet e fundit nga