"Unë e hoqa xhaketën, ai nuk e bëri, dua transparencë"/ Berisha zhvesh Manjën

30 Tetor 2025, 20:16, Politikë CNA

"Unë e hoqa xhaketën, ai nuk e bëri, dua

Seanca e sotme plenare u përfshi nga batutat dhe hilariteti teksa kryetari i Partisë Demokratike Sali Berisha iu drejtua deputetit të PS-së Ulsi Manja duke i thënë se ku i ka kostumet dhe çantën "Louis Vuitton" që sipas tij i ka dhuruar Altin Hajri.

Berisha tha se Manja i ka kërkuar Altin Hajrit një çantë "LV" dhe 500 mijë euro.

Kryedemokrati e pyeti disa herë se ku i kishte kostumet që i dha Hajri, kjo bëri që Ulsi Manja të sfidonte Berishën dhe hoqi xhaketën. Manja tha se ka pyetur dhe ChatGPT a ka çantë "LV" me vlerë 500 mijë euro dhe aplikacioni iu përgjigj se nuk ka. Ish-ministri i kërkoi Berishës të tregonte sa kushtonte kostumi i tij dhe tha se çanta dhe kostumi i bëjnë 2000 euro.

Berisha: Nga telefoni yt e mori Rama për të kërcënuar gjyqtarin.

S’do ketë kush të të mbrojë. Ato kostumet ku i ke? I ke fshehur, i ke heq, i ke heq ato të Altin Hajrit.Ku i ke kostumet e Altin Hajrit?

Peleshi: Zoti Manja respektoni kodin e veshjes, zoti Manja.

Berisha: Të ka dhënë dy jo një. Po të them ku i ke kostumet. Altin Hajri doli, e lirove ti.

Ku e ke çantën "LV", ku i ke 500 mijë eurot?

Uluzi të garantoj se në kërkim do të përfundosh si Altin Hajri, sepse dhe në Vjenë shkove ti me McGonigalin dhe pasi të akuzova the se ishte Etilda Gjonaj.

Manja: Lëshoma 2-minutëshin e replikës.

Ty të ka kapur sindromi i Stokholmit dhe nuk rri dot pa mua. Të sfidoj të shohim sa kushton kostumi që vesh unë dhe çfarë vesh ti.

Unë s’kam nevojë si të më shoqërojnë në gjyq, marrëdhënia ime me drejtësinë është kjo.

E kam pyetur ChatGPT a ka çantë LV 500 mijë euro, i thashë më ka thënë Saliu. Ty vetëm copa e kostumit që ke veshur të bën 2000 euro. Shkojmë te tekstilet.

Berisha: 500 mijë eurot janë veçmas nga çanta, i ke me regjistrim t’i sjell unë dosjen dhe fashikullin. Ai të ka pyetur për kë e do? Këtu e mbyll unë.

Manja: Unë e zbulova këmishën ai nuk e hoqi xhaketën. Unë e hoqa xhaketën ai nuk e bëri. Dua transparencë.

Peleshi: Unë nxis transparencën, nuk e detyroj dot./CNA