web counter
LEXO PA REKLAMA!

SHKARKO APP

App Store
Google Play

Raporti i KLP-së/ Kapri: Ka një mungesë të solidaritetit të institucionit me prokurorët

30 Tetor 2025, 13:59, Politikë CNA

Raporti i KLP-së/ Kapri: Ka një mungesë të solidaritetit

Deputeti i Partisë Mundësia, Erald Kapri, ka mbajtur fjalën e tij në Kuvend, pas raportimit të kryetares së KLP-së, Mirela Bogdani. Kapri tha se në raportimin e KLP-së ka vënë re mungesën e solidaritetit të institucionit me prokurorët.

Deputeti u shpreh se drejtuesit e institucioneve të drejtësisë duhet të mos i cilësojnë normale sulmet e kryeministrit ndaj vendimeve gjyqësore. Ai tha më tej se Këshilli i Lartë i Prokurorisë dhe Këshilli i Lartë Gjyqësor kanë dështuar të sigurojnë transparancën për vlerësimin e gjyqtarëve.

"E kam ndjekur me vëmendje raportimin e KLP-së dhe kam vënë re mungesën e një solidariteti me prokurorët. Unë mendoj që KLP duhet të jetë më në krah të prokurorëve, t'i mbrojë nga sulmet e kryeministrit. Drejtuesit e këtyre insititucioneve duhet të jenë të përgjegjshëm dhe të mos i cilësojnë normale kur një kryeministër sulmon vendimet e gjykatave dhe u duket sikur është koment, nuk është kështu.

Ka dhe diçka tjetër që meriton vëmendje duke iu referuar planit të rritjes të BE-së që mat perfomancën e çdo pune të çdo institucioni në bazë të afatave dhe nevojës që kemi për të hyrë në BE.

KLGJ dhe KLP kanë dështuar të sigurojnë transparancën për vlerësimin e gjyqtarëve dhe prokurorëve, e para kjo dhe e dyta të dyja nuk kanë çuar në prokurori të gjitha rastet kur kanë ngelur në veting. Ministria e Drejtësisë nuk e ka bërë udhëzimin për përmirësimin e statistikave gjyqësore", tha Kapri. /CNA





Lajmet e fundit nga