web counter
LEXO PA REKLAMA!

SHKARKO APP

App Store
Google Play

E fundit!

x

“U krijua përshtypja se opozita i bën fresk Ramës”/ Berisha zbulon si ndryshoi PD-ja në një vit

9 Tetor 2022, 10:30, Politikë CNA
“U krijua përshtypja se opozita i bën fresk Ramës”/
Kreu i PD-së, Sali Berisha

Kreu i PD-së, Sali Berisha, e ka nisur mëngjesin e kësaj të diele, duke treguar ndryshimin që pësoi Partia Demokratike përgjatë një viti.

Berisha kujtoi se si në kohën e ish-kryetarit Basha, u krijua përshtypja se opozita po i bënte fresk qeverisë, por që kjo gjë ndryshoi pasi në një vit, PD ka ndryshuar.

Berisha theksoi se u rivendos vota e lirë, duke vendosur një standard të ri duke votuar.

“Si asnjëherë në këto vite, dora e qeverisë u shtri mbi opozitën dhe tek shqiptarët u krijua përshtypja se Edi Rama është i pamundshëm, se nuk mund të mundet, dhe opozita si të thuash i bën fresk atij.

Në këtë kontekst, PD ndodhej para alternativës të ekzistonte apo të shkrihej, por unë mendoj se ajo duhet të ekzistonte sepse mbi 620 mijë shqiptarë e votuan në zgjedhjet e fundit.

Por që ajo të ekzistonte duhet të ndryshonte në mënyrë rrënjësore. Duhet të paraqitet para shqiptarëve një parti tërësisht e ndryshuar përndryshe nuk kanë asnjë arsye të na besojnën ne.

Në një vit me përpjekjet e jashtëzakonshme ne ia kemi dalë, për t'u paraqitur parti e ndyrshuar para shqiptarëve. Kemi vendosur votë si dhe vullnetin e anëtarëve tanë, si përcaktuese të fituesve lokal dhe qëndror të PD. Në këto vite ju jeni dëshmitar që ajo që u shkatërrua në mënyrën më katastrofale është vota. Vota në shoqërinë shqiptare e dhunuar nga qeveria e cila në çdo fushatë elektorale paraqitej si shtet elektoral.

Paraqitej në banda, me para droge, krimi dhe blerje votash.

Në mënyrë të padiskutueshme u mbyt dhe pësoi deformime të mëdha edhe në opozitë. Sot PS nuk voton më për asnjë të zgjedhur të saj.Më së fundi Edi Rama hoqi votën për kryetarët e degës së PS dhe riktheu modelin e Enver Hoxhës.

Ne bashkë vendosëm një standart duke votuar. Ne kemi votuar këtë vit sa asnjë parti tjetër dhe si asnjëherë në historinë tonë. Prandaj në këtë kontekst jemi paraqitur një parti e ndryshuar. Ne vendosëm Primaret”, tha Berisha./ CNA.al





Lajmet e fundit nga