web counter
LEXO PA REKLAMA!

SHKARKO APP

App Store
Google Play

U angazhua për çështjen “non-grata”/ Berisha: Si më kontaktoi ish-këshilltari i presidentit Bush

8 Maj 2023, 22:36, Politikë CNA
U angazhua për çështjen “non-grata”/ Berisha: Si
Kryetari i Partisë Demokratike, Sali Berisha

Ish-këshilltari i presidentit Bush, Charles Black është angazhuar në heqjen e “non-gratës” së vendosur ndaj ish-kryeministrit Sali Berisha.

Berisha ka treguar se Charles Black është vetofruar për ta bërë këtë gjë, pasi beson në pafajësinë e tij.

“Është një nga konsulentët më të mirënjohur në SHBA. Këshilltar i të gjitha presidentëve amerikanë. Ka qenë në studio, janë përmend disa nga ish-bashkëpunëtorë. Por nëse bashkëpunëtorët e tij kanë pasur probleme, ai ka dalë i qartë si kristali. Është personaliteti i jashtëzakonshëm i fushës së lobimit. Ky republikan beson se sanksionimi ime është i pandershëm”, u shpreh ai.

Kreu i PD-së tregoi në emisionin e Eni Vasilit se ish-këshilltari i presidentit Bush e kontaktoi vetë i pari nëpërmjet një mikut të përbashkët.

“Nëpërmjet një miku erdhi ai tek unë. Nuk mori përsipër të lobojë për heqjen dhe unë nuk kërkoj të ndryshojë vendimin. Ai mori përsipër të punojë, për hetimin e dezinimit të Sali Berishës nga DASH. Pra hetohet ai që ka marrë vendimin, por hetohet edhe Sali Berisha, Pra nuk është hetim ky, është kërkese për transparencë. Tani mu krijua kjo mundësi dhe ai e ka marrë për bono këtë. Dhe unë e falënderoj pafundësisht kjo është forma më dinjitoze. Nëse arrin të bindë Kongresin unë jam i hapur ndaj çdo hetimi.

Sa për gjyqin në Paris kam besim tek drejtësia e Francës, por nuk mund të them se sa mund të zgjasë. Unë jam duke studiuar vende të tjera sepse në Francë ka disa pengesa tjera sepse nuk jam anëtar i vendi të BE. Por shpifja dënohet aty ku del, ka dalë në Francë unë kam padit në Francë dhe me këtë jam në rregull”, theksoi Berisha./ CNA.al





Lajmet e fundit nga