web counter
LEXO PA REKLAMA!

SHKARKO APP

App Store
Google Play

Pa kandidatë në zgjedhje/ Alibeaj justifikohet në Pogradec: Fajin e ka Berisha, të hapë krahun

8 Maj 2023, 15:34, Politikë CNA
Pa kandidatë në zgjedhje/ Alibeaj justifikohet në Pogradec: Fajin
Enkelejd Alibeaj

Vetëm pak ditë na ndajnë nga zgjedhjet vendore të 14 majit dhe Enkelejd Alibeaj vazhdon të bëjë fushatë duke sulmuar ish-kryeministrin Sali Berisha.

Në takimin që po mban në Pogradec, Alibeaj bëri sërish përgjegjës Berishën për faktin që nuk ka kandidatë për të gjitha bashkitë.

Ai tha se fajin për situatën në të cilën ndodhet PD-ja e ka kreu i demokratëve. Gjithashtu, Alibeaj deklaroi se Berisha duhet të hapë krahun dhe ta lërë vendin për të tjerët.

“Unë jam dakord që në këto zgjedhje lokale, ne nuk jemi përfaqësuar me formacion të plotë, pavarësisht se unë kam qenë gjatë gjithë kohës që PD edhe në momente të vështira do të duhej të kishte përfaqësim të plotë. Qoftë për kandidatë për Këshill Bashkie, qoftë për kandidatë. Partia Demokratike është një fanellë e rëndë politike. Njerëzit historikisht në këto 33 vite sytë i kanë pasur veçse nga Partia Demokratike. E ruan ende këtë nerv, këtë kockë Partia Demokratike. Megjithatë, situatat erdhën të tilla në këtë 1 vit e gjysmë dhe unë do t’u them dhe do të jem i qartë me gjithësecilin prej jush. Ata që sot janë tek Partia Demokratike, ju pra, ju që jeni sot këtu në ditën më të vështirë nuk keni as më të voglin faj, as më të voglën peshë të përgjegjësisë për situatën ku është sot. Dikush tjetër e ka sot fajin. Dhe faji ka një emër. Faji është i qartë dhe i identifikuar.

Faji është po, përgjegjësi është Sali Berisha. Sali Berisha dhe mentaliteti që ai mbart me vete. Fenomeni me të cilin e ka nxjerrë në pah në këto 2 vite, por mesa duket ka qenë një fenomen në letargji brenda Partisë Demokratike që ne demokratët gjatë gjithë kohës e kanë ndier, e kanë përjetuar. Por që në këto 2 vite nxori kokë dhe doli në pah. Dhe cili është ky fenomen? Fenomeni sipas së cilit partia është imja, lind me mua e vdes politikisht me mua, kur mua më vjen fundi. Kështu që kjo është e para gjë të cilën duhet ta themi ne, në qoftë se do të duhet të konsiderojmë që ka ardhur koha dhe momenti jo vetëm për ta ruajtur PD-në, por nëpërmjet saj të rikrijojmë të djathtën. E djathta përbëhët nga individualitete, bëhet nga shpirtra të lirë, bëhet nga njerëz të cilët nuk shkojnë pas idhullit, pas liderit, pas kryetarit. Për të djathtët është më e rëndësishme ideja, është koncepti, njerëzit janë kalimtarë. Merr përgjegjësinë, koha ndoshta ta jep mundësinë që edhe të drejtosh një formacion të djathtë, e në momentin kur nuk u qëndron këtyre vlerave, hap krahun, dikush tjetër vjen. Sepse ideja, koncepti i së djathtës është ai që vazhdon gjatë gjithë kohës”, theksoi ai./ CNA.al





Lajmet e fundit nga