E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Teliti, këmbanë alarmi/ “Fasonët drejt falimentimit, garacia e qeverisë është tallje”

13 Prill 2024, 20:05, Politikë CNA

Teliti, këmbanë alarmi/ “Fasonët drejt falimentimit,

Eksperti i çështjeve ekonomike në Partinë Demokratike, Dorian Teliti

Eksperti i çështjeve ekonomike në Partinë Demokratike, Dorian Teliti, ka hedhur akuza ndaj qeverisë në një reagim për biznesin fason në Shqipëri.

Ai denoncon në rrjetet sociale se garancia e re sovrane është e tallje dhe do të ketë të njëjtin fat me ato të ndërmarra në periudhën e Covid-19.

Teliti thekson se kriteret e garancisë së qeverisë nuk i mbështesin fasoneritë, por i braktisin ato dhe i dërgojnë drejt falimentimit.

Eksperti i çështjeve ekonomike në PD kërkon qeveria të japë mbështetje direkte financiare ndaj fasonëve dhe të reduktojë apo shtyjë pagesat e detyrimeve tatimore.

Denoncimi i plotë:

Qeveria shpall kriteret e garancisë sovrane. Tashmë e sigurt: fasonët të braktisur dhe drejt FALIMENTIT.

Prej vitesh fasonët po vuajnë në masë prej taksave, detyrimeve dhe sidomos prej zhvlerësimit të ndjeshëm të euro-s.

Mbi 700 sipërmarrje prodhuese që operojnë në Shqipëri cdo ditë bëjnë vec dy gjëra, ose deklarojnë falimentin, ose në rastin më të mirë shkurtojnë vendet e punës, kryesisht gra kryefamiljare që me atë rrogë ushqejnë e arsimojnë fëmijët e tyre.

Pas vitesh heshtje dhe braktisje, qeveria më në fund doli me zë e me figurë dhe premtoi një paketë mbështetëse për fasonët, por ctë shohësh...zhgënjim dhe tallje.

Fakti: Asgjë nuk bëri, përvec se miratoi një garanci sovrane për të marrë borxhe mbi borxhe, e thënë ndryshe: zhytuni më thellë në gropën e borxheve.

Fakti: Sot që shohim edhe kriteret e miratuara të kësaj garancie sovrane, është e qartë si kristali, se edhe kjo garanci sovrane do ketë të njëjtin fat si ato garancitë sovrane të Covid-19, totalisht e pavlera për fasonët e ndershëm.

Mesa duket "verbërisë politike" që i ka zënë sytë drejtuesve politikë të qeverisë dhe bashkisë, të cilët "nuk shohin dot" ata që hanë "gjoja mbrapa krahëve" kumbulla, dardha e fiq, i është shtuar edhe "shurdhmëria politike" ndaj halleve reale të sektorit prodhues vendas.

Sot më shumë se kurrë nevojitet që qeveria të marrë propozimin tonë për mbështetje direkte financiare ndaj fasonëve dhe reduktim/shtyrje të pagesave të detyrimeve tatimore.

Është e vetmja mënyrë për ti thënë stop falimentit, stop humbjeve të vendeve të punës, stop braktisjes së prodhuesve shqiptare./ CNA