web counter
LEXO PA REKLAMA!

SHKARKO APP

App Store
Google Play

Takimi në Sarandë/ Berisha: Pensionet e të moshuarve janë sa për mbijetesë

24 Prill 2025, 18:54, Politikë CNA

Takimi në Sarandë/ Berisha: Pensionet e të moshuarve janë sa

Kreu i Partisë Demokratike, Sali Berisha zhvilloi këtë pasdite një takim në qytetin e Sarandës. Në fjalën e tij, Berisha u ndal te gjendja e sotme e Sarandës dhe qytetarëve.

Berisha e nisi fjalën e tij duke theksuar bukuritë e shumta natyrore e arkeologjike të Sarandës dhe madhështinë e njerëzve të zonës.

“Të flasësh për Sarandën Madhështore është më e bazuar se askund tjetër sepse ka një trashëgimi kulturore, natyrore të jashtëzakonshme. Është treva e bizhuve më të bukura. Ka parkun kulturor natyror që ndofta nuk e ka asnjë vend në botë. Ka madhështinë e njerëzve të vetë, shqiptarë, grekë, arumunë, jetojnë në paqe. Kjo është Sanada që trashëgojmë”,-tha Berisha.

Berisha u shpreh se Saranda sot ka shumë probleme, pasi veçanërisht pensionistët hasin vështirësi të shumta të përditshme.

Berisha e quajti qesharak pensionin e të moshuarve.

“Por Saranda sot është qyteti i burrave dhe grave të moshuara që pasi kanë shkrirë energjinë e tyre. Po jetojnë një tirani. Po jetojnë një mbijetesë dhe një pension qesharak.

Ne që jetuam diktaturën, ajo ishte e luftës së klasave, por edhe të mjerimit.

Sot pensionisti, punëtori i ndërtimit dhe fermës, mjeku, mësuesi, inxhinieri, profesionist, jetojnë me një pension që u vështirëson çdo ditë me shumë ushqimin e përditshëm”,-tha Berisha./CNA

 

 

 

 

 

 

 





Lajmet e fundit nga