web counter
LEXO PA REKLAMA!

SHKARKO APP

App Store
Google Play

Gjuhë kërcënuese dhe thirrje për veprime të dhunshme në fushatë/ Ja çfarë parashikon ligji

24 Prill 2025, 11:41, Politikë CNA

Gjuhë kërcënuese dhe thirrje për veprime të dhunshme

Fushata elektorale për zgjedhjet e 11 majit ka nisur zyrtarisht që nga 11 prilli. Kjo fushatë deri tani kryesisht është karakterizuar nga tonet ironike, tallëse apo dhe “diss"-et me njëri-tjetrin.

Ka pasur dhe disa incidente sporadike, ku një person u arrestua për shitblerje vote apo humbja e vulës së KZAZ në Dropull.

Kjo situatë le të themi deri tani e qetë, s’ka qenë dhe aq e zakonshme në fushatat zgjedhore të kaluara, të cilat kanë pasur tone kërcënuese ndaj kundërshtarëve.

Kujtojmë këtu që në zgjedhjet e vitit 2021, presidenti i asaj kohe, Ilir Meta, deklaronte se do t’i priteshin duart kujtdo që prekte votën dhe do të arrestohej.

Apo deklarata nga persona të tjerë që shpreheshin se deputetët duhet të tërhiqeshin zvarrë nga zyrat.

Por çfarë parashikon ligji për rastet kur përdoret gjuhë kërcënuese apo bëhet thirrje për veprime të dhunshme?

Referuar nenit 223 të Kodit Penal, personat që bëjnë thirrje publike për veprime të dhunshme dënohen me gjobë ose deri në 3 vite burg.

“Neni 223

Thirrjet publike për veprime të dhunshme Thirrjet e bëra publikisht për të kryer vepra të dhunshme kundër rendit kushtetues, dënohen me gjobë ose me burgim gjer në tre vjet”, thuhet në Kodin Penal.

Gjuhë kërcënuese dhe thirrje për veprime të dhunshme

Ndoshta këtë fushatë zgjedhore palët politike e kanë kuptuar se thirrjet për veprime të dhunshme përbëjnë një vepër penale dhe rrezikojnë deri në dënim me burg.

Prandaj kanë zgjedhur që fushatën ta bëjnë me epitete e akuza politike ndaj kundërshtarit, apo dhe me "diss"-e me këngë./ CNA





Lajmet e fundit nga