web counter
LEXO PA REKLAMA!

SHKARKO APP

App Store
Google Play

Strazimiri paralajmëron mazhorancën/ “Provat e vjedhjes së zgjedhjeve do ia dërgojmë OSBE-së”

5 Korrik 2023, 18:15, Politikë CNA
Strazimiri paralajmëron mazhorancën/ “Provat e vjedhjes së
Anëtari i kryesisë së PD-së, Gent Strazimiri

Anëtari i kryesisë së PD-së, Gent Strazimiri, ka folur pasditen e sotme për zgjedhjet e 14 majit, pas denoncimit të bërë sot nga Partia Demokratike.

Në një dalje televizive, Strazimiri tha se opozita i ka provat se zgjedhjet e 14 majit në Shqipëri nuk kanë arritur as standardet më minimale të Kartës së Kopenhagenit.

Ai deklaroi se këto prova do t’i dorëzohen misioni të OSBE-ODIHR, që më pas ata t’i vendosin emrin e duhur “lokaleve”.

"Ne e kemi thënë që në fillim se kjo nuk është më çështje rezultatesh, por është një çështje për ekzistencën e demokracisë. Sot u prezantua raporti dhe i pajisur me prova, pamje filmike, fotografi me zë dhe figurë të atyre personave që kanë marrë pjesë në deformimin e votës së lirë. Opozita i ka provat se zgjedhjet e 14 majit në Shqipëri nuk kanë arritur as standardet më minimale të Kartës së Kopenhagenit, të cilat në thelb kanë zgjedhjen dhe jo votimin.

Votuesi duhet të jetë i lirë të votojë dhe të mos intimidohet për të votuar kandidatin e pushtetit. Shteti duhet të jetë i paanshëm, ndërsa partia në pushtet nuk duhet ta shfrytëzojë shtetin për të paracaktuar rezultatin e zgjedhjeve. Qeveria është përgjegjëse që gara të jetë e barabartë mes partisë që ka pushtetin dhe opozitës. Kemi pasur një makineri shtetërore që kanë ndikuar 100% në rezultatin e zgjedhjeve dhe administrata ka shfrytëzuar burimet e shtetit për të blerë vota.

Kjo tregon se këtu nuk kemi pasur zgjedhje por vetëm votime, e vetmja pikë e Kartës së Kopenhagenit që është zbatuar është ajo e qetësisë dhe parandalimin e ngjarjeve kriminale në këtë proces.

Presim që OSBE-ODIHR t’i vendosi emrin e duhur këtyre zgjedhjeve dhe pjesa më e madhe e shqiptarëve janë kontrolluar për të votuar dhe ne si shoqëri duhet të ndalemi dhe të përpiqemi të rikthejmë demokracinë në Shqipëri", theksoi anëtari i Kryesisë së PD-së./ CNA.al





Lajmet e fundit nga