web counter
LEXO PA REKLAMA!

SHKARKO APP

App Store
Google Play

E fundit!

x

“Stina e protestave”/ Spaho: Ka ardhur koha të kalojmë në aksione konkrete

10 Qershor 2022, 19:25, Politikë CNA
“Stina e protestave”/ Spaho: Ka ardhur koha të kalojmë
Deputeti demokrat Edmond Spaho

Deputeti demokrat Edmond Spaho tha se opozita është e qartë në axhendën e saj kundër qeverisë së kryeminsitri Rama. Pas zgjedhjes së struktuarave drejtuese, tashmë PD-ë do të nisë aksionin e saj politik me protesta në mbarë vendin për të rrëzuar regjimin e Ramës.

Ai deklaroi se organizimi vendor i PD dhe rikthimi i Berishës shkundi strukturat pas një periudhe të gjatë letargjie. "Ka ardhur koha të kalojmë në aksione konkrete, qoftë në definimin e kësaj opozite, kontaktimin e të gjithë shtresave dhe grupeve që duan të kontribuojnë për të rrëzuar Ramën. Nuk po kërkojmë të ndryshojnë bindjet e tyre, por dhe një i majtë që shikon situatën, është i mirëpritur të japë kontributin në interes të shoqërisë dhe vendit.

Koha që ose ngrihemi të gjithë, ose ne do vazhdojmë për ditë e më shumë në diktaturë. Roli i opozitës është i pazëvëndësueshëm.

Nuk duhet pritur çdo gjë vetëm nga opozita, por të pyesim veten çfarë kontributi dhashë sot për të rrëzuar këtë pushtet. Kur të fillojë stina e protestave, asnjë protestë s’duhet të përfundojë pa rezultat qoftë dhe minimal," deklaroi Spaho.

Gjithashtu ai theksoi se PD është e hapur për të gjithë.  "Gjatë kohëve të Foltoreve, kemi elaboruar idenë e krijimit të një fronti sa më të gjerë opozitar. Slogani që përdorim tani, synon të bëhemi sa më të fortë, sa më të hapur, sa më të bashkuar, vetëm kështu mund të përballemi me këtë qeveri," tha Spaho./CNA.al





Lajmet e fundit nga