E fundit!

13:37 Aktualitet

Rekursi në Gjykatën e Lartë/ SPAK triumfon ndaj Veliajt

Sot në Gjykatën e Lartë është zhvilluar seanca për rekursi...

Skandali te Onkologjiku/ Deputetet e PD shkresë Ministrisë së Shëndetësisë

2 Tetor 2025, 17:30, Politikë CNA

Skandali te Onkologjiku/ Deputetet e PD shkresë Ministrisë së

Raporti i Kotrollit të Lartë të Shtetit ka zbuluar një tjetër skandal te Onkologjiku.

Në raportin e KLSH që përfshinte vitet 2021-2025, të publikuar ditën e djeshme thuhej se barnat jetike për pacientët me sëmundje tumorale janë keqmenaxhuar ose kanë qenë në mugesë për periudha kohore të gjata.

Në lidhje me këtë raport, deputetet e Partisë Demokratike ditëm e sotme kanë dorëzuar një shkresë drejtuar Fondit të Sigurimit të Detyrueshëm të Kujdesit Shëndetësor dhe Ministrisë së Shëndetësisë, ku kërkohet informacion në lidhje me situatën te Onkologjiku.

Në kërkesën e firmosur nga deputetet, Albana Vokshi, Jorida Tabaku, Denisa Vata, Greta Bardeli, Ina Zhupa etj., parashtrohen 5 pyetje në lidhje me situatën.

Deputetet demokrate shkruajnë në kërkesë se nuk mund të lejohet neglizhenca për të distancuar se disa duhet të marrin medikamente dhe disa të tjerë jo.

Më tej, deputetet shprehen se është një diskriminim ndaj grave dhe vajzave që përballen me kancerin.

Pyetjet e deputeteve

1. A është në dijeni Ministria e Shëndetësisë dhe Mbrotjes Sociale për situatën në Spitalin Onkologjik, mbi mungesën e funksionimit të bakiterapisë apo shërbimeve të tjera jetike, dhe mungesën e rimbursimit të imunoterapisë për kancerin gjinekologjik? Nëse po, çfarë masash ka ndërmarrë MSHMS për këtë situatë dhe sa efikase mendon se këto masa janë në mënyrë që të sigurohet rikthimi i funksionimit të bakiterapisë si dhe rimbursimi për imunoterapinë e kancerint gjinekologjik?

2. Çfarë masash do të ndërmarrë MSHMS në mënyrë që të sigurojë mbulimin e plotë financiar të medikamenteve për trajtimin terapeutik "me imunoterapinë Pembrolizumab" për zonjat e diagnostikuara me kancerin e mitrës, duke nisur nga fundi i shtatorit deri në fund të vitit? A do të mundësojë rimbursim financiar të kostove të trajtimit terapeutik "me imunoterapinë Pembrolizumab", për pacientët të cilët janë detyruar ta marrin të parimbursuar deri tani?

3. Çfarë masash parashikon të ndërmarrë MSHMS në mënyrë që të sigurohet edhe në Shqipëri transplanti i palcës për fëmijët? Kur do të jetë ky shërbim i aksesueshmë për të gjithë pacientët pediatrik?

4. A do të kërkojë MSHMS pranë Këshillit të Ministrave për vitin e ardhshëm buxhetor 2026 financim të nevojshëm për shërbimin e bakiterapisë, dhe shërbimeve të tjera, si dhe fond të posaçëm për rimbursimin e plotë të barnave apo trajtimit terapeutik të pacienteve me kancer gjinekologjik?

Fatkeqësisht kjo nuk është e vetmja dramë që vijon të konsumohet pranë Spitalit Onkologjik në QSUNT. Prej më shumë se dy muajsh, në Shqipëri nuk funksionon brakiterapia, një trajtim jetik dhe i domosdoshëm për gratë me kancer gjinekologjik. Ky është një trajtim i pazëvendësueshëm.

Ndaj në mungesë të kësaj pajisjeje, dhjetëra paciente po mbeten pa trajtimin e duhur, ndërsa koha për to është më e çmuar se çdo gjë tjetër.

Në këtë kontekst, në përmbushje të funksioneve të statusit të deputetit sipas përcaktimeve ligjore, kërkojmë një informacion shteruese dhe konkretisht:

1. Sa është vlera financiare që përdoret për rimbursimin për trajtimin terapeutik "me imunoterapinë Pembrolizumab" të pacientëve me kancer, parashikuar për vitin 2025? Sa ka qënë kjo vlerë financiare për 3 vitet e fundit 2022-2024?

2. Për sa pacientë në vit parashikohet rimbursimi me për trajtimin terapeutik "me imunoterapinë Pembrolizumab"?

3. Sa është diferenca financiare nga fondi për barnat dhe pajisjet mjekësore të cilat nuk janë përdorur nga qytetarët për rimbursim gjate vitit 2024?

4. Sa është vlera financiare mesatare e rimbursimit vjetor të barnave të një pacienti me sëmundje tumorale?

5. Sa është vlera financiare e rimbursimit vjetor për barna të një pacienti me sëmundje të kancerit gjinekologjik (qafës së mitrës)?