LEXO PA REKLAMA!

SHKARKO APP

Shumica e kryebashkiakëve do të rikandidojnë/ Celibashi jep alarmin mbi skenarin e tyre

23 Nëntor 2022, 10:04, Politikë CNA

Shumica e kryebashkiakëve do të rikandidojnë/ Celibashi jep

Komisioneri Shtetëror i Zgjedhjeve, Ilirian Celibashi, ka dyshime se kryetarët e bashkive që do të rikandidojnë me 14 maj, mund të përdorin postin që kanë për fushatë apo të gjithë institucionin.

Këtë shqetësim Celibashi e ka ngritur gjatë një takimi ku po diskutohet mbi financimin e partive politike.

“Zgjedhjet e ardhshme të 14 majit, do të kenë një numër jo të vogël të kryetarëve të bashkisë të cilët aktualisht janë në detyrë dhe të cilët do të garojnë në zgjedhje.

Është shumë e rëndësishme që të kuptojnë se ku është kufiri ndërmjet përmbushjes së funksionit të tyre si kryetarë bashkie dhe veprimet të cilat janë pjesë e fushatës së tyre elektorale”, ka thënë Celibashi.

Në një moment të dytë, sipas tij, KQZ do të përgatisë një udhëzues, veç të tjerash edhe për rastin e kryetarëve në detyrë që do garojnë, por për institucionet dhe zyrtarët publikë të cilët në një mënyrë ose tjetër do të jenë të përfshirë në situatë zgjedhore./CNA.al

Lajmet e fundit nga