web counter
LEXO PA REKLAMA!

SHKARKO APP

App Store
Google Play

E fundit!

x

Në primare për bashkinë e Tiranës/ Kalaja: Ja çfarë më shtyu të kandidoja

21 Nëntor 2022, 21:03, Politikë CNA
Në primare për bashkinë e Tiranës/ Kalaja: Ja
Adriana Kalaja, kandidatja e primareve të PD-së për Bashkinë e Tiranës

Adriana Kalaja, kandidatja e primareve të PD-së për Bashkinë e Tiranës, ka treguar për CNA.al arsyet që e kanë shtyrë të hyjë në garë.

Kalaja tha se kanë qenë demokratët dhe qëndrestarët e Aleancës për Mbrojtjen e Teatrit Kombëtar ata që ia kanë kërkuar të kandidojë për kryetare bashkie, pas “goditjes” që morën nga shembja e teatrit.

“Nuk e kisha menduar asnjëherë kandidimin tim si Kryetare, por ajo që mendova në 17 maj 2020, ditën që u shemb Teatri Kombëtar ishte:

A do kemi ndonjëherë 1 Kryetar që respekton ligjin dhe të përgjegjshëm?

A do kemi ndonjëherë 2 Këshill Bashkiak që merr vendime me urdhër politik?

Kjo si dhe gjithë Protesta e Teatrit dhe beteja ligjore kundër Veliajt dhe jo vetëm, kanë ngacmuar dhumë demokratë dhe jo vetëm, si dhe shumë qëndrestarë të Aleancës për Mbrojtjen e Teatrit me kanë kërkuar në mënyrë sistematike kandidimin për Kryetare Bashkie”, u shpreh ajo.

Në një prononcim për CNA.al, avokatja tregoi edhe avantazhet që ajo pretendon se ka kundrejt kryebashkiakut të Tiranës, Erion Veliaj.

“Gjithsesi avantazhet e mija bazohen në gjithë betejën 5-vjeçare kundra Veliajt të cilat nuk janë vetëm denoncime, por edhe kallëzime penale në SPAK:

1. 13 kallëzime për Teatrin.

2. 1 kallëzim për vrasjen e qenve.

Plus alternativa ime është alternativa që i kthen Tiranës identitetit të saj, si dhe kthen Tiranën te qytetarët”, theksoi Adriana Kalaja./ B.A. – CNA.al





Lajmet e fundit nga