web counter
LEXO PA REKLAMA!

SHKARKO APP

App Store
Google Play

Samiti për rritjen/ Kos: U bëj thirrje të gjithë udhëheqësve të rajonit të punojnë më fort për arritjen e reformave

21 Nëntor 2025, 12:47, Politikë CNA

Samiti për rritjen/ Kos: U bëj thirrje të gjithë

Komisionerja për zgjerimin, Marta Kos, ka mbajtur një konferencë të përbashkët me kryeministrin Edi Rama. Në fjalën e mbajtur, Kos deklaroi se është diskutuar nevoja për zgjerim e vetë nocionit zgjerim dhe për të integruar sa më shpejt të jetë e mundur vendet e Ballkanit Perëndimor.

Kos tha se objektivi është që vendet e Ballkanit Perëndimor të ecin në sinkron dhe jo të krijohen hendeqe.

Komisionerja u bëri thirrje udhëheqësve të rajonit të punojnë më shumë në arritjen e reformave.

 

“Tashmë kemi arritur në mes të planit të rritjes. E kam kënaqësi gjithmonë që kthehem në Tiranë. Folëm edhe për nevojën për të zgjeruar vetë nocionin e zgjerimit dhe për t’ju integruar të gjithëve ju sa më shpejt të jetë e mundur në më shumë fusha të BE-së. Do të shkojmë edhe më tej duke ju përfshirë në përpjekjet për të mbrojtur demokracinë dhe vlerat tona. Objektivi ynë është që të gjitha vendet e BP të ecin përpara në sinkron. Nuk duam të krijojmë hendeqe të reja mes jush. Të gjitha vendet e BP duhet të bëhen vende anëtare me të drejta të plota të BE-së. Le të përqendrohemi te mënyra se si mund të përshpejtohet puna. U bëj thirrje të gjithë udhëheqësve të rajonit të punojnë akoma më fort për arritjen e reformave.

Ndonjëherë reformat për të cilat kemi rënë dakord nuk janë të lehta, por bëjnë të mundur avancimin në procesin e integrimit. Ky është një proces transformues dhe sjell rezultate të mëdha dhe mundësi të reja. U tregon vendeve anëtare se jeni gati për integrim më të thelluar në BE. Sa më shumë i afrohen BE-së vendet e BP, aq më shumë kureshtarë bëhen qytetarët e vendeve anëtare, por edhe investuesit janë më të gatshëm të vijnë këtu.

Na mbeten edhe 2 vite që plani i rritjes të kthehet në sukses të vërtetë dhe të përgatisim terrenin për integrimin tuaj në BE”, deklaroi Kos.

 





Lajmet e fundit nga