web counter
LEXO PA REKLAMA!

SHKARKO APP

App Store
Google Play

E fundit!

x

Samiti i BE-së në Tiranë/ Xhaçka: Do të flasim për ndryshime gjeopolitike madhore

29 Nëntor 2022, 11:09, Politikë CNA

Samiti i BE-së në Tiranë/ Xhaçka: Do të flasim

Ministrja e Jashtme Olta Xhaçka ka folur ditën e sotme në lidhje me samitin e BE- Ballkanit Perendimor që do të zhvillohet në Tiranë më datë 6 dhjetor.

Xhaçka u shpreh se pritshmëritë për samitin janë dyfish të larta dhe se duhet që t’u tregojmë pjesëmarrësve mikpritjen shqiptare në mënyrën e duhur.

Ministrja Xhaçka shtoi ndër të tjera së në mbledhjen e samitit do të flitet për ndryshime madhore gjeopolitike në Bashkimin Europian.

“Fakti që Samiti BE-Ballkani Perëndimor do të mbahet në Tiranë, në rajonin e Ballkanit Perëndimor, flet për një sërë ndryshimesh madhore në kuptimin gjeopolitik të BE-së drejt një imperativi për një vëmendje të qëndrueshme gjeostrategjike të BE-së për rajonin e Ballkanit Perëndimor, alias Evropën Juglindore, veçanërisht në kontekstin e shumëfishtë të sigurisë që ka krijuar lufta e Rusisë kundër Ukrainës.

Unë do të thosha se pritshmëritë për samitin janë të dyfishta: së pari riafirmimi i një angazhimi të plotë dhe të qartë për perspektivën e anëtarësimit në Bashkimin Evropian për të gjitha vendet e Ballkanit Perëndimor dhe përshpejtimi i hapave pozitivë në të gjitha proceset përkatëse integruese evropiane të vendeve të rajonit, veçanërisht pas Konferencave të para Ndërqeveritare për Shqipërinë dhe Maqedoninë e Veriut në korrik 2022.

Së dyti, Samiti duhet të shërbejë si një mundësi ku bollëku i një morie angazhimesh midis dy rajoneve vjen në fuqi, nga siguria tek çështjet e politikës së jashtme, tek sundimi i ligjit, tregu i brendshëm dhe bashkëpunimi në sektorë të veçanta si: energjia, transporti, punët e brendshme, dixhitalizimi etj. Një angazhim më i thellë, hap pas hapi, në të gjithë këta sektorë, do të krijojë standardet e dëshirueshme që Ballkani Perëndimor të jetë në gjendje të përfitojë nga mënyra e përshpejtuar e integrimit sektorial përpara se të bëhen anëtarë të plotë të BE-së.

E fundit por jo më pak e rëndësishme; do të jetë një mundësi e mirë për t’u treguar udhëheqësve të vendeve pjesëmarrëse mikpritjen shqiptare në mënyrën e duhur!”, u shpreh Xhaçka./CNA.al





Lajmet e fundit nga