web counter
LEXO PA REKLAMA!

SHKARKO APP

App Store
Google Play

E fundit!

x

Rama “shigjeton” Dritan Lelin/ Vlora, bashkia më problematike

6 Maj 2023, 20:48, Politikë CNA
Rama “shigjeton” Dritan Lelin/ Vlora, bashkia më problematike
Kryeministri Edi Rama

Kryeministri Edi Rama ka kritikuar sërish sot kryebashkiakun socialist të Vlorës, Dritan Lelin, të cilin më parë e ka quajtur si një person “të padëshiruar” në PS.

Rama tha gjatë një takimi me qytetarët se Vlora është bashkia më problematike që ka PS. Ai akuzoi Lelin se nuk e pastron bashkinë  dhe e kritikoi edhe për lejet e dhëna të ndërtimit.

Ndaj, theksoi se qytetit bregdetar i duhet një kryebashkiak që fle i fundit dhe di të respektojë çdo qytetar, të majtë e të djathtë.

“Vlorës i duhet një kryetar bashkie që fle i fundit. Për fat të keq në të gjitha bashkitë, Vlora është bashkia më problematike dhe kjo është e papranueshme se nuk mund të vij unë dhe të vijë qeveria këtu të pastrojë Vlorën. Vlorën e pastron bashkia. Dhe Vlora është një nga lojtarët kryesorë të Shqipërisë që duam ta bëjmë kampione të Ballkanit në turizëm. Dhe kampionë të turizmit në Ballkan nuk bëhemi dot nëse nuk i lëmë turistët pa fjalë kur vijnë në Vlorë dhe nuk gjejnë një copë letër në tokë.

Vlora ka nevojë për një kryetar bashkie i cili matet 7 herë përpara se të firmosi një leje ndëtimi si ajo që kam përballë unë tani. Dhe pasi matet 7 herë, herën e 7 pyet 7 të tjerë dhe pastaj merr vendime që nuk zhbëhen më. Kemi një problem të madh me vendimet që nuk zhbëhen më në gjithë Shqipërinë, por edhe në Vlorë. Vlora ka nevojë për një kryetar bashkie që të ketë respekt për çdo socialist në radhën më të parë. Vlora ka nevojë për një kryetar bashkie që socialistët t’i dojë pa kushte ndërsa demokratët, qytetarët demokratë, t’i respektojë pa kushte”, theksoi kreu i qeverisë./ CNA.al





Lajmet e fundit nga