web counter
LEXO PA REKLAMA!

SHKARKO APP

App Store
Google Play

Berisha zotohet nga Tropoja/  Do rindërtojmë rrjetin elektrik të fshatrave dhe Autostradën e Alpeve

6 Maj 2023, 12:08, Politikë CNA

Berisha zotohet nga Tropoja/  Do rindërtojmë rrjetin elektrik

Kreu i koalicionit “Bashkë Fitojmë”, Sali Berisha u ka premtuar tropojanëve në takimin e tij elektoral, se do t’i rikthej Tropojës të gjitha institucionet dhe është zotuar se do të rindërtojë rrjetin elektrik të fshatrave dhe autostradën e Alpeve.

Ai i ka bërë thirrje të gjithë malësorëve që të mos votojnë kandidatin e socialistëve, Rexh Biberajn.

Ndër të tjera theksoi se asnjë nga Biberajt nuk do ta votojë në këto zgjedhje.

“Asnjë votë për Rexh Byberin. Po iu drejtohem socialistëve: më thoni pak, cili prej jush ka votuar për emërimin e tij për kandidat bashkie? Cili prej jush është pyetur? Kurrë mos votoni për ata që për hir të xhepit, ndërrojnë parti.

Çdo socialist i Tropojës është 10 herë me më shumë integritet se Rexh Byberi.

U garantoj se kësaj radhe, askush nga Biberajt nuk do e votojë.

14 maji është ditë ndryshimi i madh, hapet rruga për rrëzimin e këtij regjimi monist.

U garantoj se të gjitha institucionet do kthehen në Tropojë. U garantoj se i gjithë rrjeti elektrik i fshatrave të Tropojës do rindërtohet. dhe

U siguroj se Autostrada e Alpeve do jetë autostrada më panoramike e Ballkanit dhe Europës.

Ju bëj thirrje malësorëve të Malësisë së Gjakovës kudo që janë, në Tiranë, në Shqipëri, në Kosovë, në Europë dhe kudo që ndodhen.

Më 14 maj të vijnë dhe të votojnë.

Tropoja ka nevojë jetike për votën e tyre, e cila kësaj radhe është votë misionare.

Të vijnë dhe të firmosin ndryshimin, të firmosin fitoren”, tha ai./CNA.al

 

 





Lajmet e fundit nga