web counter
LEXO PA REKLAMA!

SHKARKO APP

App Store
Google Play

Më 12 maj mbyll fushatën/ Berisha, thirrje qytetarëve: Ejani të festojmë në Tiranë

6 Maj 2023, 16:26, Politikë CNA
Më 12 maj mbyll fushatën/ Berisha, thirrje qytetarëve: Ejani
Kreu i koalicionit “Bashkë Fitojmë”, Sali Berisha

Më 12 maj, partitë politike do të mbyllin fushatën elektorale për zgjedhjet vendore, pasi data 13 është heshtje zgjedhore.

Koalicioni “Bashkë Fitojmë” do të bëjë një mbyllje të madhe të fushatës elektorale në sheshin “Nënë Tereza”.

Këtë e bëri të ditur kreu i koalicionit, Sali Berisha gjatë një takim i me qytetarët në Has. Ai i bëri thirrje qytetarëve nga e gjitha Shqipëria që të mblidhen në orën 19:00 për të festuar në Tiranë atë që ai e quan fitore.

“Miqtë e mi, ju e shini fushatën e tij, kalon nga takimi në takim me një gjuhë të denjë për një halabak.

Përse e bën këtë? E bën sepse ata qytetarë i ka vjedhur, i ka varfëruar, i ka përzënë nga vendi i tyre. Tani thotë më mirë të thonë se ky është halabak, se ky është i pacipë, por të mos thonë se i kam vjedhur, se i kam përzënë.

Por ne do e ndëshkojmë atë me 14 maj pikërisht për këto krime që ai ka kryer.

Këto ditë janë ditët e finishit. Fitorja po ju pret ju, po pret popullin opozitar në Shqipëri.

Le të rendim me shpejtësi të madhe drejt saj.

Me datën 12 maj, në ora 7, ftoj banorët e Hasit, Tropojës dhe të gjithë Shqipërisë, të mblidhemi dhe të festojmë fitoren e datës 14 në Tiranë në sheshin Nënë Tereza.

Votoni numrin 1, koalicionin ‘Bashkë Fitojmë’. Votoni Miftar Dautin, kandidatin e fitores”, theksoi Berisha./ CNA.al





Lajmet e fundit nga