web counter
LEXO PA REKLAMA!

SHKARKO APP

App Store
Google Play

Rama shfaqet në Berlin për panairin e Turizmit/ Shqipëria vend nderi për vitin 2025!

2 Mars 2025, 21:42, Politikë CNA

Rama shfaqet në Berlin për panairin e Turizmit/ Shqipëria vend

Kryeministri Edi Rama nëpërmjet rrjeteve sociale njoftoi se gjendet në Berlin të Gjermanisë aty ku të hënën e datës tre mars, do të prezantojë Shqipërinë në Panairin e Turizimit. Rama, theksoi se Shqipëri është zgjedhur si vendi i nderit për vitin 2025, ndërsa shtoi se do të kërkojnë që të lënë një mbresë të veçantë me ofertën turistike të Shqipërisë.

“Mirëmbrëma nga Berlini! Pas një dite të bukur në Athinë për Panairin e Punës, erdhëm këtu në Gjermani, ku Shqipëria do të nesër çelë panairin e turizmit. Shqipëria është zgjedhur vend i nderit për vitin 2025. Kush e imagjinonte disa vite më parë Shqipërinë në këtë pozicion? E ftuar si vend nderi në panairin më të madh të turizmit, ku jemi përgatitur të lëmë mbresë të veçantë me ofertën dhe prezantimin tonë.  

Nesër, në prani të shumë mediave dhe gazetarëve, ne do të jemi së bashku me prezantuesit e panairit që në mëngjes, për një ditë të jashtëzakonshme nxemjeje që kulmon pasdite me spektaklin e Shqipërisë.

Dhe pasnesër, në pavionin e Shqipërisë, edhe në praninë e autoriteteve të shtetit gjerman në Berlin, do të hapet zyrtarisht panairi i turizmit”, shprehet Rama në videomesazhin e shpërndarë në rrjetet e tij sociale. /CNA





Lajmet e fundit nga