web counter
LEXO PA REKLAMA!

SHKARKO APP

App Store
Google Play

E fundit!

x

Rama prezantoi programin/ Këlliçi hedh akuza: Poropagandon programin e PD, idetë që kemi shpalosur prej muajsh

29 Mars 2025, 17:49, Politikë CNA

Rama prezantoi programin/ Këlliçi hedh akuza: Poropagandon programin

Drejtuesi politik i PD për Tiranën, Belind Këlliçi ka reaguar pas prezantimit të programit të socialistëve nga kryeministri Edi Rama. Këlliçi hedh akuza se Rama ka vjedhur programin e Partisë Demkratike.

Në një status në rrjetet sociale, shkruan se vetëm pafytyrësia e Ramës mund të arrijë në këto paradokse. Më tej në statusin e tij, Këlliçi shkruan se shqiptarët nuk do t’i lejojnë një katërvjeçar tjetër Ramës dhe 11 maji do të jetë shuplakë për të.

 

"I pangopur në vjedhje, Edi Rama vjedh edhe nga programi i partisë demokratike!

Aktualisht, Shqipëria kërcënohet prej shumë rreziqeve.  Rreziku më i madh është, sigurisht prodhuesi i tyre, shkaktari, kreu i narkoshtetit të parë në Europë, Edi Rama! I cili, pa dëshirën, vullnetin, kapacitetin e duhur për t’iu ofruar shqiptarëve zgjidhje, propagandon dhe vjedh programin e Partisë Demokratike, idetë e të cilit, prej muajsh i kemi shpalosur. I njëjti njeri që në 12 vite thoshte: “s’kemi para të rrisim pensionet dhe të vendosim minimumin jetik” është sërish, befas, po i njëjti që thotë se në të ardhmen do të bëjë kundërtën, absolutisht të kundërtën! Vallë, kësaj radhe, ku pretendon t’i gjejë paratë?! Apo do të frenojë babëzinë e tij, do të ulin vjedhjet me 5D, 5B dhe ER?!

Vetëm paturpësia e paftyrësia e tij mbërrin deri në këto paradokse. Gjithsesi, diçka është e padiskutueshme: shqiptarët nuk do ta lejojnë edhe një tjetër eksperiment katërvjeçar me ta, sepse janë pranë kufirit kritik, tej të cilit është asgjësimi absolut, tej të cilit, prandaj nuk mund të shkohet!! Boll më!!! 11 Maji do të jetë shuplaka e shqiptarëve të thjeshtë për kreun e organizatës”, shkruan Këlliçi./ CNA





Lajmet e fundit nga