web counter
LEXO PA REKLAMA!

SHKARKO APP

App Store
Google Play

Rama, në Këshillin e Europës/ Lufta për Shqipërinë, një plagë që dhemb

12 Tetor 2022, 15:55, Politikë CNA

Rama, në Këshillin e Europës/ Lufta për

Kryeministri Edi Rama ka dhënë disa mesazhe për luftën gjatë fjalës në Asamblenë e Përgjithshme të Këshillit të Europës në Strasburg.

Rama tha se lufta për Shqipërinë është një plagë që dhemb.

“Unë përfaqësoj Shqipërinë, por nuk do flas për të, edhe pse tema e shqetësimit që dua të ndaj me ju lidhet me Shqipërinë si trupi me shpirtin. Ia vlen ta nisim për Shqipërinë duke qenë se ajo që do të them ka të bëjë me të shkuarën dhe me atë që do të vijë në të ardhmen. Ta kthesh një histori konflikti në një histori të mirë kërkon besim tek institucionet ndërkombëtare. Nëse institucionet dështojnë humbja jonë është dhe më e madhe. Dëmi shkon shumë larg përtej shumatores individuale, është një goditje për të kthyer faqen tonë. Nëse institucionet dështojnë goditja do jetë fatale. Për ju lufta është një kujtim i largët, për ne është ende një plagë që ende dhemb.

Pavarësisht luftës, në ombrellën e këtij institucioni, historia nuk mund të merret lojë. Zgjidhjet duhet t'i qëndrojnë testit të së ardhmes. Institucionet ndërkombëtare kanë qenë të rëndësishme, Shqipëria vijon të ndërtojë të ardhmen, të zhvillojë institucionet ndërkohë që përndiqet nga fantazmat e autoritarizmit. Vijon të ndërtojë marrëdhënie solide me Serbinë e cila jo shumë kohë më parë konsiderohej si armike, tani është mike e jona e 'Ballkanit të Hapur'. Asnjëherë më parë historia nuk është treguar e mirë me ne, të tjerët vendosnin për ne, vendosnin regjimet që na mbanin të mbyllur larg Europës. Tri dekada më parë patëm mundësinë që t'i kthenim sytë nga Europa”, u shpreh ndër të tjera kreu i qeverisë./ B.A. – CNA.al





Lajmet e fundit nga