web counter
LEXO PA REKLAMA!

SHKARKO APP

App Store
Google Play

E fundit!

x

“Për të mbyllur çdo kapitull dhe sulm ndaj PD-së”/ Bozdo: Të tërhiqet padia në gjykatë

11 Tetor 2022, 19:34, Politikë CNA
“Për të mbyllur çdo kapitull dhe sulm ndaj
Anëtari i Kryesisë së PD-së, Eno Bozdo

Anëtari i Kryesisë së PD-së, Eno Bozdo, ka folur për zgjedhjet vendore, duke theksuar faktin se të gjithë partitë opozitare janë në mbështetje të PD-së.

Ndër të tjera, i ftuar në një studio televizive, Bozdo tha se ashtu siç është përmendur edhe më parë nga kreu i PD-së, Sali Berisha, nuk do të ketë shmangie të primarve, pra çdo kandidat do të zgjidhet nga Primaret.

Po ashtu, anëtari i Kryesisë së PD-së, tha se për të mbyllur çdo kapitull dhe çdo sulm ndaj PD-së, grupi i Alibeajt duhet të tërheqë padinë në gjykatë.

“Së pari PD ka siguruar mbështetjen totale të të gjithë partive të tjera opozitare.

Të gjithë partitë opozitare janë bërë një me PD.

Së dyti siç ka thënë dhe Berisha, nuk kushtëzojmë askënd i ftojmë të gjithë të bëhen pjesë. Kushti është që kandidati të zgjidhet me primare.

Mjafton të bashkohemi në primare. Shenja e parë që duhet të jetë për të mbyllur kapitullin dhe sulmet ndaj kësaj partie është shenja e tërheqjes së kësaj padie. Ky mund të ishte sinjali më i mirë”, ka thënë Bozdo./ CNA.al





Lajmet e fundit nga