web counter
LEXO PA REKLAMA!

SHKARKO APP

App Store
Google Play

E fundit!

x

Rama: Jemi dëshmitarë që njerëz nga partia jonë po japin llogari para drejtësisë

8 Shkurt 2025, 11:22, Politikë CNA
Rama: Jemi dëshmitarë që njerëz nga partia jonë po
Kryeminstri Edi Rama

Kryeminstri Edi Rama, në Madrid në fjalën e tij pas nënshkrimit të marrëveshjes për organizimin e “World Law Congress Albania 2027”, Kongresit Botëror të Ligjit në vitin 2027 në Shqipëri foli për reformën në drejtësi duke rrahur sërish gjoksin, e duke deklaruar se është një nismë e qeverisë.

Rama tha se tani është dëshmitar se si njerëz nga shumica nga PS po japin llogari para drejtësisë, gjë që tregon se politika i ka hequr duart e saj nga drejtësia.

“Ne nuk kemi pasur kurrë ndonjëherë shtet të së drejtës, drejtësi të pavaruar, traditën e së drejtës.

Modeli spanjoll është burim frymëzimi. Politika është një luftë për pushtet, kështu është dhe lufta për drejtësi. Nuk mund të jem më krenar se kaq që do jemi mikpritësit e Kongresit të së Drejtës në vitin 2027.

Së pari nuk do të pendoheni kurrë dhe së dyti nuk do të mërziteni asnjë minutë të vetëm nëse jeni me ne. Shqipëria sot është si Spanja njëherë e kohë, kur nisi të linte pas një të shkuar diktatoriale të vështirë.

Një Kore Veriu e Europës me 5 mijë vizitorë në vit, ndërsa sot po i afrohemi 'Champions League'-s së turizmit.

Dua të them që kemi kaluar në një reformë në drejtësi, një pastrimi të sistemit të drejtësisë nga gjyqtarë dhe prokurorë të korruptuar, procesi ka marrë vëmendje dhe respekt në Evropë.

Na duhet të jemi dëshmitarë duke parë që njerëz nga partia jonë shumica të japin llogari para drejtësisë. E dinim këtë dhe nuk pendohemi, do të nxisim që shteti i së drejtës të jetë emëruesi ynë i përbashkët”, deklaroi Rama./ CNA





Lajmet e fundit nga