web counter
LEXO PA REKLAMA!

SHKARKO APP

App Store
Google Play

Opozita, sot në protestë/ Çfarë pritet të ndodhë, paralajmërimet e Berishës

8 Shkurt 2025, 09:55, Politikë CNA

Opozita, sot në protestë/ Çfarë pritet të

Sot në orën 17:00 Partia Demokratike, së cilës do t’i bashkohen dhe eksponentë të partive opozitare të tjera do të bashkohen në protestë kundër qeverisë Rama.

Ata do të mblidhen para Kryeministrisë ku dhe do të mbajnë fjalime kreu i PD-së, Sali Berisha, dhe disa prej drejtuesve politikë të kësaj partie.

Kreu i PD-së, Sali Berisha, paralajmëroi se kjo do të jetë protesta më e fuqishme e parë ndonjëherë në histori.

Njoftimin për protestën e 8 shkurtit Berisha e bëri pas deklaratave të Ahmetajt, i cili tha se Edi Rama dhe Erion Veliaj janë pronarët faktikë të inceneratorit të Tiranës.

Nga ana tjetër Policia e Shtetit ka ndërmarrë masat duke kufizuar lëvizjen në disa akse/segmente rrugore, konkretisht:

-Nga ora 10:00, nuk do të lejohen të parkohen automjetet në bulevardin ”Dëshmorët e Kombit”, në sheshin “Nënë Tereza", në rrugën “Ismail Qemali”, nga kryqëzimi i Rrugës së Elbasanit me rrugën “Ibrahim Rrugova”, në rrugën “Papa Gjon Pali II”, në bulevardin ”Zhan D’Ark” dhe bulevardin ”Bajram Curri”, nga kryqëzimi i Rrugës së Elbasanit me rrugën “Ibrahim Rugova”; 

-Nga ora 14:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore./ CNA





Lajmet e fundit nga