web counter
LEXO PA REKLAMA!

SHKARKO APP

App Store
Google Play

E fundit!

x

Rama: Italia dhe Meloni "dora e fatit" në procesin vendimtar të integrimit

13 Nëntor 2025, 20:42, Politikë CNA

Rama: Italia dhe Meloni "dora e fatit" në procesin vendimtar

Kryeministri Edi Rama është shprehur se Shqipëria nuk ka qenë kurrë më parë në nivelin që është sot në arenën ndërkombëtare. Në një intervistë, Rama tha se këtë transformim e reflekton niveli i marrëdhënieve me Italinë.

"Unë besoj që ne nuk kemi qenë kurrë, kurrë, kurrë në nivelin që jemi sot në arenën ndërkombëtare dhe niveli i marrëdhënieve me Italinë reflekton pikërisht këtë transformim të qenies së Shqipërisë ndërkombëtarisht dhe nga ana tjetër reflekton dhe një vullnet për hire të së vërtetës, të veçantë të kryeministres së Italisë për të bërë më shumë me Shqipërinë dhe për Shqipërinë. Ka qenë diçka që unë e kam ndjerë qysh në takimin e parë dhe tani ka marrë shumë më tepër formë dhe për faktin që ajo vetë është futur plotësisht në kostumin e presidentit të Këshillit të Ministrave të Italisë", tha Rama. 

Ai foli më tej edhe për hapjen e kapitujve, ku shtoi se do të ishte një përkim i jashtëzakonshmë, që nëse Shqipëria mbyll negociatat brenda 2027-ës, atëherë Italia 6 muajt e parë dhe posaçërisht kjo kryeministre, do jenë një dorë e fatit në procesin vendimtar të integrimit.

"Është një përkim i jashtëzakonshëm pozitiv, në vazhdën e përkimeve të këtyre viteve të fundit, që kanë praktikisht përshpejtuar në mënyrë eksponenciale do të thoja procesin, pasi ndërkohë që Mali i Zi ka marrë vite e vite të tëra për të hapur kapitujt ne i kemi hapur në 12 muaj, po numëroj tani edhe ato që do të hapen të fundit pas pak ditësh. Të gjithë kapitujt. Kështu që është një përshpejtim i jashtëzakonshëm dhe ai është një përkim i jashtëzakonshëm për faktin që nëse ne ia dalim me sukses të mbyllim negociatat brenda 2027-ës, atëherë Italia 6 muajt e parë dhe posaçërisht kjo kryeministre, do jenë një dorë e fatit në këtë proces.", tha ai. /CNA





Lajmet e fundit nga