web counter
LEXO PA REKLAMA!

SHKARKO APP

App Store
Google Play

E fundit!

x

Rama: Kemi kërkuar asistencën e Italisë për tekstin e Kodit Penal

13 Nëntor 2025, 16:07, Politikë CNA

Rama: Kemi kërkuar asistencën e Italisë për tekstin e Kodit

Kryeministri Edi Rama ka deklaruar sot se ka kërkuar shtimin e asistencës nga Italia për tekstet e Kodeve Penale të Shqipërisë dhe të procedurës penale. Rama tha se kjo do të bëhet me përfshirjen e fakulteteve italiane të drejtësisë dhe eskpertëve të Ministrisë italiane të Drejtësisë.

Kreu i qeverisë u shpreh më tej se nëse Italia nuk do të kishte dhënë ndihmën e saj në 35 vitet e fundit, Shqipëria nuk do të ishte vendi që është sot dhe do të ishte në kushte më të ndërlikuara.

“Po flasim për ndihmën që Italia i jep Shqipërisë prej vitesh, ose më saktë përcjellje e njohurive. Ne sot folëm për shtimin e volumit të asistencës nga ana e Italisë për tekstet e Kodeve tona Penale dhe të procedurës penale, por edhe për tekstet e së Drejtës Europiane. Me përfshirjen e fakulteteve të drejtësisë italiane, të ekspertëve të Ministrisë së Drejtësisë e kështu me radhë. Koha kur Giorgia do të jetë në krye të Këshillit Europian dhe mezi pres ta shoh një ditë të tillë. Nëse do të hiqnim Italinë nga kuadri i jetës së shqiptarëve në 35 vitet e fundit, e sigurt që Shqipëria nuk do të ishte vendi që është sot, por do ishte në kushte shumë më të ndërlikuara dhe këtë nuk mund ta them për asnjë vend tjetër”, tha Rama. /CNA





Lajmet e fundit nga