web counter
LEXO PA REKLAMA!

SHKARKO APP

App Store
Google Play

E fundit!

x

Balluku takon ministrin italian të Energjisë/ Zv.kryeministrja: Diskutuam për linjën nënujore, pjesë e korridorit Lindje-Perëndim

13 Nëntor 2025, 12:53, Politikë CNA

Balluku takon ministrin italian të Energjisë/ Zv.kryeministrja:

Zv.kryeministrja, njëherësh ministrja e Infrastrukturës dhe Energjisë, Belinda Balluku, ndodhet në Romë në kuadër të takimit mes dy qeverive, asaj italiane dhe asaj shqiptare.

Balluku u takua me ministrin e Mjedisit dhe Energjisë të Italisë, Gilberto Pichetto Fratin, në fokus të këtij takimi është projekti strategjik për ndërtimin e linjës nënujore që do të lidhë dyja vendet.

Balluku shkruan se ky investim do të hapë një kapitull të ri dhe do të shërbejë si një korridor i rëndësishëm për sigurinë energjetike të rajonit pasi është pjesë e korridorit energjetik Lindje-Perëndim.

"Sot pata kënaqësinë të zhvilloj një bisedë të frytshme me ministrin e Mjedisit dhe Energjisë të Italisë, z. Gilberto Pichetto Fratin. Diskutuam gjerësisht mbi forcimin e bashkëpunimit mes Shqipërisë dhe Italisë në sektorin energjetik, me fokus projektin strategjik për ndërtimin e linjës nënujore që do të lidhë dy vendet tona.

Një projekt, pjesë e korridorit energjetik Lindje-Perëndim, që përfshinë Rumani-Bullgari-Greqi-Shqipëri dhe Itali, si një korridor i rëndësishëm për sigurinë energjetike të të gjithë rajonit.

Ky investim do të hapë një kapitull të ri në marrëdhëniet tona dhe do të kontribuojë në sigurinë dhe qëndrueshmërinë energjetike në rajon.

Raportet e shkëlqyera mes Shqipërisë dhe Italisë janë një bazë solide për të bërë edhe më shumë në shërbim të qytetarëve tanë", deklaron Balluku./CNA

 

 

 

 

 

 

 

 

 





Lajmet e fundit nga