web counter
LEXO PA REKLAMA!

SHKARKO APP

App Store
Google Play

Qeveria e re/ Kaso: Kemi 17 mini Rama, "Diella" kundër Kushtetutës

15 Shtator 2025, 22:41, Politikë CNA

Qeveria e re/ Kaso: Kemi 17 mini Rama, "Diella" kundër

Drejtuesi i PD për qarkun e Korçës, Ivi Kaso në një dalje televizve ka folur për qeverinë e re “Rama 4”.

Kaso tha se u konfirmuan pjesa më e madhe e figurave të konsumuara dhe kjo solli zhgënjim te njerëzit.

Më tej, deputeti i PD tha se nuk ka një qeveri të re, por 17 drejtorë të komanduar nga Rama, për të cilin tha se është vetë dhe ministër arsimi, financash apo rendi.

Kaso u ndal dhe te ministrja me Inteligjencë Artificiale për të cilën tha se Rama e ka bërë për të marrë vëmendjen e publikut dhe për të shpëtuar nga përgjegjësia e prokurimeve publike.

Për deputetin e PD, një ministre me Inteligjencë Artificiale është kundër Kushtetutës.

“Zhgënjeu pjesën më të madhe të njerëzve qeveria e re, u pa që u konfirmuan pjesa më e madhe figura të konsumuara. Jemi në kushtet që e ka degraduar rolin dhe funksionin e ministrit pjesa më e madhe e qytetarëve nuk i njohin janë anonim. Nuk kemi qeveri të re, kemi 17 mini ‘Edi Rama’ që janë drejtoruc të atij që është vetë ministër arsimi, rendi dhe financash. Kryeministri ka qef të marrë vëmendjen e opinionit publik. Besoj që një pjesë e madhe e interpretuan që krijuan një identitet njerëzor. Rama skandalet në pjesën më të madhe kanë ardhur nga prokurimet publike dhe një pjesë e kanë parë si një sajesë për të shpëtuar nga përgjegjësia. Për mua është kundër Kushtetutës, sepse Kushtetuta parashikon që duhet të jetë qenie njerëzore dhe më një moshë të caktuar. Presidenti nuk ka dekretuar ministren virtuale, pasi Kushtetuta dekreton nëse është identitet njerëzor dhe jo virtual”, tha Kaso./CNA





Lajmet e fundit nga