web counter
LEXO PA REKLAMA!

SHKARKO APP

App Store
Google Play

E quan atentator/ Lapaj: Endri Shabani më vinte në zyrë me mollë

15 Shtator 2025, 21:33, Politikë CNA

E quan atentator/ Lapaj: Endri Shabani më vinte në zyrë me

Kreu i “Shqipëria Bëhet”, Adriatik Lapaj i ftuar në MCN TV u ndal te mosmarrëveshjet me Endri Shabanin, bashkëudhëheqësin e koalicionit.

Referuar një rasti ku Shabani e shpjegonte sistemin politik me mollë, Lapaj tha se ai i kishte shkuar Lapajt në zyrë disa herë me mollë.

“Në mënyrë figurative, një mollë e mori në qafë që në gjenezë këtë punë… Ju përdorni termin “ju”, vendosni pa dashje një shenjë barazimi. E patë ju atë shembullin me mollë (të Shabanit)? E di sa herë e kam parë te zyrat e mia? Më vinte aty me mollë. E di sa herë e kam dëgjuar unë këtë leksionin e mollëve? Po them, mund të më bëni me faj për çdo gjë, por jo përse besova që të bëj një kauzë të përbashkët për atë që konsideroj më të rëndësishmen në angazhimin tim publik. Unë jam për hapjen e garës, kur sheh që vjen një aleat, je dakord. Tani, Kaini dhe Abeli, vëllezër, por e vrau Kaini Abelin, e tradhtoi, që atëherë. Pse nuk e parashikuam? Më i zgjuar isha unë si Gjergj Kastrioti apo Jezu Krishti”, tha Lapaj.

 

Referuar listës së mbyllur të Nismës “Shqipëria Bëhet” ku u vendosën familjarët e emrave të listës së hapur, Lapaj tha se ishte propozim i Endri Shabanit.

Vendosjen e familjarëve në listë të mbyllur Lapaj e cilësoi si atentat dhe tha se atentatori në këtë rast ishte Endri Shabani.

“E ka sjellë si propozim Endri Shabani. Ky ishte atentat dhe atentatori ka emër”, tha Lapaj./CNA





Lajmet e fundit nga