web counter
LEXO PA REKLAMA!

SHKARKO APP

App Store
Google Play

“Duhet kompromis me PD-në”/ Krasniqi: Ulja e numrit të deputetëve kërkon ndryshim të Kushtetutës

15 Shtator 2025, 21:31, Politikë CNA

“Duhet kompromis me PD-në”/ Krasniqi: Ulja e numrit të

Politologu Afrim Krasniqi theksoi sot se ulja e numrit të deputetëve, siç u propozua pak ditë më parë nga kryeministri Edi Rama, kërkon me doemos ndryshime në Kushtetutë.

I ftuar në A2CNN, Krasniqi u shpreh se për të realizuar këtë ide, socialistëve do t’iu duhet të arrijnë në një kompromis me opozitën.

Krasniqi shtoi se një marrëveshje e tillë do të jetë e vështirë, pasi secila palë politike do të shprehë pretendimet e veta.

“Te kryeministri më pëlqeu ideja e shkurtimit të numrit të deputetëve. Për të realizuar ndryshimin kushtetues për ndryshimin e numrit të deputetëve duhet të ndryshohet Kushtetuta. PS ka 83 plus 3 të PSD, 86 mandate. Edhe sikur të sigurojë 2-3 mandate informale, nuk i shkon dot te numri 94 që kërkohet. Është e detyruar të bëjë kompromis me PD. Dhe për të bërë kompromis siç kemi bërë edhe në 2008, do të ketë edhe kërkesa nga pala tjetër. Dhe unë kam frikë ditën kur palët do mblidhen sepse secila palë do kërkojë diçka dhe mund të ndodhë që rezultati i ndryshimeve kushtetuese mund të mos na japë një demokraci më të mirë se kjo që kemi sot. Në momentin që thua se jam për ta ulur numrin e deputetëve duhet të japësh edhe ofertën pasi nuk i ke votat për këtë gjë”,-tha Krasniqi./CNA





Lajmet e fundit nga