web counter
LEXO PA REKLAMA!

SHKARKO APP

App Store
Google Play

E fundit!

x

Qeveria e Kosovës fiton në arbitrazhin ndërkombëtar/ Meta thumbon Ramën për çështjen “Becchetti”

7 Prill 2023, 09:32, Politikë CNA

Qeveria e Kosovës fiton në arbitrazhin ndërkombëtar/ Meta

Qeveria e Kosovës ka fituar arbitrazhin ndërkombëtar për të tretën herë radhazi duke mposhtur pretendimet e Blerim Devollit kundër Republikës së Kosovës.

Kreu i Partisë së Lirisë, Ilir Meta, shkruan përmes një postimi në rrjetet sociale se në vendimet e saj Kosova udhëhiqet vetëm nga ligji dhe e drejta.

Nga ana tjetër, ka shigjetuar qeverinë Rama, pasi Gjykata e Arbitrazhit vendosi të rrëzonte kërkesën e Shqipërisë për kthimin e çështjes “Becchetti”.

Sipas Metës, kjo ndodh për shkak se shteti është i kapur nga një bandë të korruptuarish dhe gënjeshtarësh.

“Qeveria e Kosovës fiton përsëri në arbitrazh ndërkombëtar për herë të tretë radhazi brenda vitit duke mbrojtur interesin publik dhe duke dëshmuar se në vendimet e saj udhëhiqet vetëm nga Ligji dhe e Drejta.

Ndërsa Qeveria e Ramës vetëm humbet në arbitrazhet ndërkombëtare duke shkaktuar dëme kolosale për qytetarët shqiptarë dhe dëmtuar rëndë besueshmërinë e vendit si një shtet i së drejtës dhe respektimit të ligjit.

Kjo ndodh vetëm për shkak të kapjes së shtetit nga një bandë të korruptuarish dhe gënjeshtarësh që duan të asgjësojnë fjalën e lirë dhe konkurrencën për të monopolizuar gjithçka në interes të kësaj pakice uzurpatore dhe në kurriz të gjithë qytetarëve shqiptarë që paguajnë kostot e kësaj papërgjegjshmërie të pafre.

Ndaj 14 Maji është dita e Ndryshimit dhe e Ndëshkimit për të rivendosur Llogaridhënien dhe interesin publik të parin.

BashkëFitojmë!”, shkruan Meta./ CNA.al





Lajmet e fundit nga