web counter
LEXO PA REKLAMA!

SHKARKO APP

App Store
Google Play

E fundit!

x

Shkullaku “zë ngushtë” Roland Bejkon/ E morët vulën, tani gjejini vend ku ta fusni

6 Prill 2023, 22:02, Politikë CNA
Shkullaku “zë ngushtë” Roland Bejkon/ E morët
Roland Bejko dhe Armand Shkullaku

Gazetari Armand Shkullaku ka “zënë ngushtë” kandidatin e Enkelejd Alibeajt për Bashkinë e Tiranës, Roland Bejkon, teksa ka debatuar me këtë të fundit për vulën e PD-së.

Shkullaku e pyeti Bejkon se për çfarë e duan vulën dhe i kërkoi të gjejnë vend ku ta fusin tani që ia morën PD-së së anëtarësisë.

Bejkos nuk i ka përlqyer kjo gjë dhe është “përplasur” me gazetarin në emisionin "Të Paekspozuarit".

Pjesë nga debati:

Armand Shkullaku: Ore për çfarë e doni vulën ju? Se ja e morët, por duhet t'i gjeni vendin për ta futur!

Roland Bejko: Fol ndryshe, jo me gjëra që kanë disa kuptime.

Armand Shkullaku: Unë flas si të dua. Ky është mendimi im, duhet t'i gjeni vend vulës. Të marrësh përsipër përfaqësimin e 600 e ca mijë shqiparë, të thuash unë jam përfaqësues dhe t'i lësh pa kandidatë, kjo nuk ka logjikë.

Dalim te ajo që ka ndodhur realisht. Kjo nuk ka qenë ecuria e një force politike "euroatlantike", por një grup individësh që nuk i ka lidhur parimi. Një pjesë kanë qenë luajal ndaj liderit, një pjesë kanë votuar çdo ligj të Edi Ramës për ca interesa.

E dimë, kemi edhe debat tjetër me zotin Bejko, kemi diskutuar edhe për 6 marsin. E dimë dhe ndodh për herë të parë që t'i marrësh gjithë shqiparët t'i bësh për budallenj. E dimë kujt i takon përfaqësia. E dimë si u mbajt peng vula e PD-së. Po shkojmë në zgjedhje të manipuluara pa nisur akoma.

Roland Bejko: Nuk flas dot me të njëjtin regjistër se ku do të futet vula. Vula futet në kuti. Kujt i shërben kjo vulë? Ruajtjes së PD nga non-grata. Të mos bjerë në dorën e atyre që u larguan me turp nga pushteti./ CNA.al





Lajmet e fundit nga