web counter
LEXO PA REKLAMA!

SHKARKO APP

App Store
Google Play

E fundit!

x

“Pse s’jemi si Italia e Gjermania”/ Rama: Nuk është kollaj të bëhet ky transformim

25 Janar 2025, 12:09, Politikë CNA

“Pse s’jemi si Italia e Gjermania”/ Rama: Nuk është

Kryeministri Edi Rama ka folur për zhvillimin e Shqipërisë gjatë qeverisjes së tij.

Në podcastin “Flasim”, Rama është shprehur se Shqipëria ka bërë një kapërcim historik, duke nisur nga një trashëgimi shumë e varfër institucionale dhe shtetërore, por paralelisht pranoi se ky transformim nuk ka qenë aspak i lehtë.

Duke iu referuar qytetarëve shqiptarë që pyesin pse nuk jemi si Gjermania apo Italia, Rama është shprehur se kjo është një sfidë të cilës nuk i shmangesh dot.

“Ne kemi nisur nga trashëgimia më e varfër institucionale dhe shtetërore e të gjithëve dhe po të marrësh kilometrat që kanë bërë nga u nisëm, besoj se Shqipëria është absolutisht me plot të drejtë në pozicionin që të thotë është bërë realisht një kapërcim i jashtëzakonshëm.

E keqja harrohet, por e mira nuk mbaron. Por kur kthejmë kokën dhe të qëllon ndonjëherë shikon ca imazhe thua “Ne kemi jetuar këtu?”

Ndërkohë që gjëja që ne kemi fat është BE, sepse na jep mundësinë që të përshpejtojmë ndryshimin kulturor se bëj sa të duash ligje, organigrama, sjellja e administratës dhe shtetit është diçka formohet në kohë të gjatë. Ne shohim vendet e tjera, por harrojmë që Gjermania dhe Franca janë me administrate shumëshekullore, ja ku është Greqia që është afër nesh.

Nuk është kollaj, të bëhet ky transformim. Ky është mallkimi jonë, se jemi në këtë anë. Mallkimi në këtë sens që vërtet kemi bërë kapërcim historik, por ama jemi të rrethuar nga konkurrentët më të fortë dhe njerëzit, shqiptarët kanë të drejtën të thonë ‘unë shkoj në Itali dhe Gjermani, jam si ata. Pse Shqipëria nuk është si ata?’

Është një sfidë që nuk i shmangesh dot, fati është që ne BE, si pikë referimi dhe mbështetje mund të bëhet një kapërcim i madh sepse po të shohësh dhe këtu tek ndryshimi, duhet të kemi parasysh që deri më sot, kemi arritur me shumë pak mbështetje të jashtme po të llogarisësh se çfarë mbështetje kanë pasur Polonia, Hungaria,Greqia nuk diskutohet, Çekia, fondet, mbështetja, miliarda dhe miliarda të futura në kapacitetet e tyre, jashtë kapacitetit të brendshëm.

Në një pikë të caktuar i kam thënë këtyre të mive që “nuk do të bëjmë më takime bilaterale thjesht e vetëm nga ato të zakonshmet, por dua që në çdo takim bilateral që bëhet këtu, dhe shyqyr që po vijnë dhe kudo që shkojmë ne, dua një laptop dhe do ju prezantojmë të dhëna të thjeshta të diferencës së trajtimit të vendeve që janë në BE dhe nesh si kontribut i BE për frymë. Se kaluam ne pandeminë dhe dikush thoshte se Greqia po jep këtë e atë, por ata kanë një ekstra fond që u vjen nga jashtë", tha Rama./ CNA





Lajmet e fundit nga