web counter
LEXO PA REKLAMA!

SHKARKO APP

App Store
Google Play

“Pse nuk raportoni?”/ Noka: Futni kokën në rërë si struci, harroni se të pasmet i keni zbuluar

14 Maj 2026, 11:27, Politikë CNA

Sekretari i Përgjithshëm i PD-së, Flamur Noka, ka kërkuar në Kuvend që kryeministri Edi Rama dhe kryenegociatorja të raportojnë për procesin e intergimit të Shqipërisë në BE.

Sipas Nokës, shqiptarët duhet të dinë se si po ecet me procesin.

Ai ka theksuar se qeveria, kur vjen puna për problemet që ka Shqipëria, përdor teorinë e strucit që fut kokën në rërë, por duke shtuar se janë të zbuluar në sytë e shqiptarëve dhe ndërkombëtarëve.

“Sot shqiptarët duan të dinë ku është ajo pasaportë, duan t’u raportohen për ecurinë në lidhje me procesin. Çdo qeveri i raporton popullit të saj për ecurinë e procesit. Jeni e vetmja qeveri që nuk raportoni dhe për çfarë po flasim. Po flasim për procesin më jetësor në të cilin po ecën ky vend. Shqiptarët duan të dinë. Projektrezoluta do të miratohet se është vullnet. Pse nuk u raportoni shqiptarëve? Çfarë problemi ka ky vend me bllokimin që i keni bërë drejtësisë, me korrupsionin. Kur del çështja te problemet jeni mësuar me teorinë e strucit: nuk raportoni, futni kokën në rërë, por harroni se të pasmet i keni zbuluar, ju shohin shqiptarët dhe ndërkombëtarët”, tha Noka./ CNA





Lajmet e fundit nga