E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

Pse Gjekmarkaj do që ta besojmë pa u ndjerë që ka studiuar në "La Sapienza"?

13 Qershor 2023, 16:48, Politikë CNA

Pse Gjekmarkaj do që ta besojmë pa u ndjerë që ka studiuar

Deputeti Agron Gjekmarkaj

Në një intervistë në televizionin e Irfan Hysenbelliut, intervistuesja i drejtohet Agron Gjekmarkajt me pyetjen:

- Ju keni studiuar në "La Sapienca"?

Agron Gjekmarkaj u përgjigj me gjysmë zëri: Po.

Më pas, gazetarja e pyeti se në cilat vite ka studiuar në "La Sapienza", por zoti Gjekmarkaj nuk ju përgjigj kësaj pyetjeje.

Për gazetaren e Irfanit dhe për të tjerë që qarkullojnë si fakt të kryer studimin e Gjekmarkajt në "La Sapienza", sqarojmë se, nuk ka asnjë provë që deputeti Gjokmarkaj të ketë studiuar as në "La Sapienza", e as në ndonjë universitet tjetër në Itali.

Mund të ketë marrë pjesë në ndonjë work-shop apo seminar nga ato 2 javorët ku kanë marrë pjesë 30% e shqiptarëve. Takimi mund të jetë organizuar edhe në ndonjë sallë të "La Sapienza", por edhe kjo mbetet e pakonfirmuar.

Modeli i Gjekmarkajt është ai i personazhit delirant, që kanë bindjen se shqiptarët nuk marrin dot frymë nëse ata nuk frymojnë në TV.

Kurse modeli i gazetarisë që konsideron fakt çdo thashethem blloku, është oksigjeni ku furnizohet grotesku dhe deliri masiv, jo vetëm në sallën e Kuvendit.

Gazetarja nuk u habit nga mungesa e përgjigjes nga i ftuari. Madje ka mundësi që pikërisht mungesën e përgjigjes ta ketë konsideruar si fakt për vërtetësinë e diplomimit në "La Sapienza" të të ftuarit të naltë.

Kjo është "CV"-ja që shpërndan pa dokumenta shoqëruese Agron Gjekmarkaj:

"Agron Gjekmarkaj është diplomuar në Universitetin e Tiranës, në Fakultetin e Historisë dhe Filologjisë për Gjuhë Letërsi në vitin 1996.

Në vitin 2005 diplomohet në specialitetin Teori Letërsie në Fakultetin e Letërsi?Filozofisë pranë Universitetit “La Sapienza”, në Romë, me vlerësimin “Shkëlqyeshëm”.”

Askush nuk e di se sa javë, muaj apo vite i janë dashur Agron Gjekmarkajt që të marrë atë që ai e përkthen si "diplomohet".

Ka me qindra kartona kursesh apo seminaresh që në kokë kanë fjalën "Diploma", por përkthimi i drejtperdrejtë nuk e bën Diplomë në kuptimin e arsimit Universitar apo të një shkolle të lartë, atë letrën që mund te përkthehet si e tillë.

Shpesh ky lloj "përkthimi" thjesht përdoret me "naivitet" nga mbajtësi i saj.

Pa llogaritur pastaj që ky vlerësimi "shkëlqyeshëm" duket si shumë i sheqerosur kur sistemi italian ka nivel vlerësimi me pikë.

Por mbase Gjekmarkaj me naivitetin e tij karakteristik, do që të na bëjë të besojmë që jo vetëm ka studiuar në "La Sapienza", por edhe që është vlerësuar me "Trenta e Lode".

Të jetë ky lloj "naiviteti" i Gjekmarkajt që ka ngatërruar televizionin e Irfanit?/ CNA.al