web counter
LEXO PA REKLAMA!

SHKARKO APP

App Store
Google Play

Protesta e 7 tetorit/ Skenaret e opozitës, paralajmërimet e Berishës dhe masat e policisë

6 Tetor 2024, 14:34, Politikë CNA

Protesta e 7 tetorit/ Skenaret e opozitës, paralajmërimet e

Pas burgosjes së Ervin Salianji për kallëzim të rremë në lidhje me çështjen Babalja, opozita ka ndërmarrë një aksion, duke vendosur që të mos marrë pjesë në komisione dhe as të lejojë vazhdimin e një jete normale parlamentare.

Në dy seancat e fundit në Kuvend kemi parë një opozitë e cila është përplasur me mazhorancën, deputetët që janë përleshur me grushte si dhe karriget e djegura në hyrjen e Kuvendit.

Aksioni opozitar do të vazhdojë me protestën që do të zhvillohet ditën e hënë, më 7 tetor, në orën 18:00.

Opozita ka paralajmëruar se protesta do të shtrihet në të gjitha rrugët e kryeqytetit dhe se këtë herë fjalën do ta mbajnë qytetarët dhe jo politika.

Kreu i PD-së Sali Berisha ka paralajmëruar se protesta do të jetë me të gjitha mjetet deri në mosbindje civile ndërsa ka paralajmëruar Policinë e Shtetit të mos guxojë të prekë protestuesit.

Po ashtu Berisha u ka bërë thirrje të gjithë qytetarëve që të bashkohen në protestë për të larguar regjimin dhe për të kërkuar lirimin e liderit të opozitës dhe deputetit Ervin Salianji, pasi i quan dënim politik.

Më tej, kreu i grupit parlamentar të PD-së, Gazment Bardhit paralajmëroi se nuk do të ketë jetë normale parlamentare.

Së fundi, Policia e Shtetit ka marrë masat për mbarëvajtjen e protestës, duke paralizuar të gjithë qytetin, duke bllokuar shumicën e akseve rrugore nga ora 18:00 deri në përfundimin e protestës.

Eksponentët e politikës, drejtuesit e PD-së në qarqe janë mobilizuar duke zhvilluar takime për të përgatitur skenarët e protestës./ CNA





Lajmet e fundit nga