web counter
LEXO PA REKLAMA!

SHKARKO APP

App Store
Google Play

E fundit!

x

Dhuna në Kuvend dhe protesta e opozitës/ Peleshi: Të mos kalohen vijat e kuqe

4 Tetor 2024, 13:44, Politikë CNA
Dhuna në Kuvend dhe protesta e opozitës/ Peleshi: Të mos kalohen
Kreu i grupit parlamentar të PS-së, Niko Peleshi

Kreu i grupit parlamentar të PS-së, Niko Peleshi, ka folur për zhvillimet e fundit politike, përfshirë dhunën e opozitës në Kuvend, përjashtimin e deputetëve nga Sekretariati i Etikës si dhe aksionin opozitar të 7 tetorit ku pritet të zhvillohet protesta kombëtare.

Peleshi ka deklaruar për mediat se nuk duhet tejkaluar vija e kuqe dhe se nuk ndihet aspak mirë për përjashtimin e kolegëve të tij, por thekson se duhet të ketë një jetë normale parlamentare.

“Me këtë nuk merret grupi paralementar i PS që unë drejtoj, është një çështje e strukturave të kuvendit, konkretisht Sekretariatit për Etikën, që merr në shqyrtim provat dhe merr vendim, nuk mund të pyetem unë për këtë. Unë ju thashë personalisht, dhe grupit tonë nuk i intereson të ketë një seancë jonormale apo me përjashtime. Ne duam të kemi një seancë normale, me debat të fortë por brenda disa vijave të kuqe. I vetmi problem që shohim në politikën e këtyre viteve është kuptimi i vijave të kuqe. Të debatojmë, por jo të dalim përtej. Ajo që ndodhi ishte e paprecedent, por ne nuk duam ta kemi prezente dhunën në parlament dhe ta eskalojmë nga një krizë ndërpartiake tek tjetra. Këto janë mendimet tona jo vetëm personale, por edhe të grupit parlamentar, nuk është dëshira jonë të ketë një parlament të pastabilizuar”, ka thënë Peleshi.

Më tej, Peleshi ka komentuar aksionin opozitar që pritet të nisë të hënën.

Peleshi tha se opozita po del në protestë për Reformën në Drejtësi të cilën e ka votuar vetë.

“S’mund të komentoj çfarë vendos opozita, protesta është një element demokratik, nuk është një erezi. Protesta e dhunshme pastaj është diçka tjetër, por unë nuk mund ta paragjykoj. Protesta është zgjedhja e tyre, kërkesat politike ata mund t’i formulojnë sipas orekseve politike të veta, por unë nuk shikoj se ka ndonjë arsye që të vihet në diskutim qeveria. Për ç’arsye, për shkak të një vendimi të formës së prerë të një sistemi të pavarur nga qeveria? A po flasim pasi kemi kryer së bashku një reformë në drejtësi? E kemi votuar me 140 vota me duartrokitje. Tani të gjykojmë ne vendimet e gjykatave? Për këtë arsye të dalim në protestë?”, tha Peleshi./ CNA





Lajmet e fundit nga