web counter
LEXO PA REKLAMA!

SHKARKO APP

App Store
Google Play

E fundit!

x

“Pronat do t’i merrni aty ku i kishit”/ Këlliçi zotohet para banorëve të prekur nga rindërtimi në Kombinat

8 Prill 2023, 10:13, Politikë CNA

“Pronat do t’i merrni aty ku i kishit”/ Këlliçi

“Pronat do t’i merrni aty ku i kishit!” Ky ishte zotimi i kandidatit të opozitës për Bashkinë e Tiranës Belind Këlliçi, para banorëve të Kombinatit, të cilëve u janë shembur apartamentet dhe deri më tani bashkia nuk u ka dhënë zgjidhje.

Gjatë takimit të organizuar nga “Grupimi për Kombinatin”, Këlliçi e cilësoi vjedhje shembjen e shumë pallateve në Kombinat, duke u marrë pronën qindra familjeve, që sot janë në qiell të hapur.

Ai u angazhua që pas 14 majit, këto familje të përfitojnë pronën që kishin, në të njëjtin vend dhe me të njëjtën sipërfaqe si më parë.

“Kjo është një vjedhje që ka ndodhur ditën për diell në Kombinat dhe shpërngulje e qindra familjeve që janë hequr nga këtu. Një pjesë e tyre janë çuar në Vaqarr, një pjesë e tyre janë çuar prapa Tecit. Një pjesë e tyre sot janë pa bonus, një pjesë e tyre e marrin bonusin që nuk u del për një vend qeraje tjetër, për një shtëpi tjetër. Por mbi të gjitha, kam përshtypjen që biem dakord dhe konvergojmë në një pikë,  nuk dinë se çfarë do të ndodh me apartamentet e tyre. Nuk dinë se ku do t`i marrin, çfarë sipërfaqe kanë, çfarë u takon, janë të paqartë për të vetmen pronë që kanë në jetë. Me premtimin që padiskutim që qytetarët e Kombinatit, do të marrin pronën e tyre aty ku e kishin dhe me sipërfaqen e pronës aty ku e kishin”, u shpreh Këlliçi.

“Pronat do t’i merrni aty ku i kishit”/ Këlliçi

Kandidati i opozitës u shpreh se kryebashkiaku Erion Veliaj i shmanget përballjes me qytetarët, pasi retendon se ky i fundit është në shërbim të ndërtuesve dhe jo të qytetarëve.

“Mirë do të ishte që kryetari aktual i bashkisë të ishte këtu para jush, mirë do ishte të ishte këtu me mua, çfarë të keqe ka. Të thoshte që: nuk kam bërë mirë, 1,2,3, ose i kam bërë mirë, gënjeni ju! Por fakti që i shmanget debatit, fakti që i shmanget çdo ditë përballjes, i shmanget përballjes me  ju, i shmanget përballjes me qytetarët, i shmanget përballjes me mua qoftë në studio qoftë ku të dojë, tregon që nuk punon për interesin e qytetarëve, po punon për interesin e atyre ndërtuesve, të cilët në interes kryesor kanë fitimin e tyre dhe jo respektimin e të drejtës së pronës”, u shpreh ai para banorëve të Kombinatit./ CNA.al





Lajmet e fundit nga