web counter
LEXO PA REKLAMA!

SHKARKO APP

App Store
Google Play

Prezantimi i programit qeverisës/ Rama: Vendin kryesor e zë IA, pjesën tjetër e paraqesin ministrat

18 Shtator 2025, 10:12, Politikë CNA

Prezantimi i programit qeverisës/ Rama: Vendin kryesor e zë IA,

Kryeministri Edi Rama, në nisje të seancës maratonë, nuk prezantoi gjithë programin, pasi tha se do ta bëjnë ministrat sipas fushave, por u përqendrua tek Inteligjenca Artificiale.

Rama tha se Shqipëria është i vetmi vend që përdor IA në përafrimin e legjislacionit me BE-në. Kryeministri Rama i dha fjalën ministres virtuale Diella.

 

“Ky mandat i ri është provim ynë i madh i shtetit. Kohëzgjatja e këtij provimi përkon me kohëzgjatjen e planit ambicioz kombëtar për të çuar Shqipërinë në BE. Programi ynë i ri, Shqipëria 2030 është kryefjala e këtij mandate, është busulla orientuese e çdo faqe të programit tonë .

Pjesën më të madhe do ta marrë inovacioni dhe inteligjenca artificiale. Shteti i të drejtës është themeli për në BE. Udha është pa kthim, konsolidimi i gjyqësorit, kodi i procedurës penale, civil janë në proces si bazat e reja të një legjislacioni modern. Revolucioni digital do të shtrihet dhe në fushën e drejtësisë për të ndihmuar efiçensën, transparencën dhe formimin e lirive dhe të drejtave të individit. Shqipëria është i vetmi vend që përdorur me shumë sukses inteligjencën artificiale. Futja e inteligjencës artificiale në shërim të qeverisjes, do të jetë një prioritet i pandarë i të gjitha ministrive dhe agjensive t vendit. Diella do të ushtrojë një ndikim vendimtar për përshpejtimin  këtij procesi.

Ajo do të mbështetet nga një AI 4, Albanian Inovacion 4, i i cili do të ketë lirinë e plotë të operojë me një rol të ri brenda administratës, plot fuqi në veprim, shembje të pengesave burokratike.

AI 4 do të bashkojë talente më të mira brenda vendit, duke tërhequr e të huaj që kanë dëshirë të hyjnë në kontilacionin e Diellës. Do t ndërtojë kompani që mund të krijojnë vlerë të konsiderueshme për Shqipërinë dhe shtetin si aksionerë dhe të motivojë më shumë shqiptarë që të nisin sipërmarrjen e tyre.”

Jam i keqardhur për kundërshtimin e Diellës si anëtare e kabinetit dhe meqë është pjesë e dekretit i lutem parlamentit t’i japë fjalën Diellës"./CNA

 





Lajmet e fundit nga