web counter
LEXO PA REKLAMA!

SHKARKO APP

App Store
Google Play

E fundit!

x

“Për fat të mirë nuk e kam më atë kostum”/ Meta i lumtur për largimin nga Presidenca, thumbon Ramën

26 Korrik 2022, 13:23, Politikë CNA

“Për fat të mirë nuk e kam më atë kostum”/

Ish-presidenti Ilir Meta është shprehur i lumtur sot që nuk mban më kostumin e Presidentit.

Në një konferencë për mediat nga selia e “Partisë së Lirisë”, sikurse e ka quajtur ai tashmë partinë e tij, Meta tha se beteja që ka nisur së bashku me këtë forcë politike, është e domosdoshme për të rivendosur në vend, demokracinë dhe Kushtetueshmërinë.

“Dua ta nis këtë konferencë të parë shtypi duke falënderuar për mirëkuptimin dhe për ngritjen në lartësi në momentin historik, duke hapur mbrëmë një rrugë të re, një forcë të re politike si Partia e Lirisë. E di shumë mirë që duke qenë krenar për ato sakrifica, njëkohësisht janë të ndërgjegjshëm, se kjo betejë e madhe është e domosdoshme për të rivendosur përfundimisht në vend, demokracinë, Kushtetueshmërinë dhe për të fituar lirinë të gjithë shqiptarët” -tha Meta. 

Meta po ashtu thumboi Ramën, duke risjellë në vëmendje përplasjet me mazhorancën për emërimin e anëtarëve të Gjykatës Kushtetuese.

“Aleati më i madh i kësaj kleptokracie është indiferenca dhe sidomos indiferenca e intelektualëve.

Intelektualët kanë përgjegjësi të madhe dhe jam i bindur se do reflektojnë.

Do të fillojmë menjëherë nga puna, sepse për fat të mirë nuk e kemi më atë kostumin që na sillte atë pyetjen a i lejohet një presidenti të flasë kështu?

Por, parlamentit i takonte të vjedhë anëtarët e Gjykatës Kushtetuese, dhe t'i noterizojë te noterja te Lana.

Ky është vendi i popullit të shqiponjave dhe shqiptarëve të ndershëm. Armiku është korrupsioni, dhe vetëm korrupsioni.

Është ky korrupsion që ka rënduar qytetarët”-tha ndër të tjera Meta.

Më tej, Meta u ndal edhe te situata ekonomike në vend, ndërsa theksoi se shqiptarët sot ndihen më të rrezikuar se kurrë në përballimin e jetës së tyre të përditshme.

“Situata e rëndë ekonomike është një realitet konkret dhe i pashmangshëm, një shqetësim shumë i madh për të gjithë shqiptarët, që sot ndihen më të rrezikuar se kurrë në përballimin e jetës së tyre të përditshme për shkak të pasojave tepër serioze të krizës ekonomike që ka pllakosur vendi.

Barometri i Ballkanit në anketën e vitit 2022 ka konstatuar se 59% e qytetarëve në Shqipëri kanë problemin më madhor, situatën ekonomike.

Diferenca ëshë e ndjeshme në raport me vendet e tjera të rajonit. Konkretisht, sipas të dhënave të kësaj ankete situata ekonomike është problem madhor për 40% të qytetarëve të Kosovës, 41% të boshnjakëve, 41% të malazezëve  dhe 46% të serbëve.

Është fakt se periudha e vështirë e pandemisë, si dhe rritja stratosferike e çmimeve, me të cilën qytetarët shqiptarë po përballen çdo ditë, nuk janë shoqëruar me asnjë mbështetje nga ana e Qeverisë.

E gjithë barra shumë e rëndë e këtyre dy ngjarjeve me efekt ekonomik të jashtëzakonshëm për familjet e thjeshta shqiptare, ka rënë mbi qytetarët që varfërohen çdo ditë dhe më shumë.”-deklaroi Meta.





Lajmet e fundit nga