web counter
LEXO PA REKLAMA!

SHKARKO APP

App Store
Google Play

E fundit!

x

“Kulmi, fiks si në kohën e Enverit”/ Ish-ministri i “përvishet” Ramës

26 Korrik 2022, 09:17, Politikë CNA

“Kulmi, fiks si në kohën e Enverit”/ Ish-ministri i

Ish-ministri i Drejtësisë, Ylli Manjani, ka komentuar shkarkimin e Arben Ahmetajt, si zv.kryeministër.

Në një postim në rrjetet sociale, Manjani shkruan se është e tmerrshme të shohësh se si publiku e "mirëpret" drejtësinë e partisë mbi "armikun" e brendshëm të saj.

Sipas tij, bindja tashmë është e plotë se Rama të shkarkon dhe të arreston.

Më tej, Manjani thekson se kjo është fiks si në kohën e diktatorit Enver Hoxha.

“Ideja që Arben Ahmetaj do arrestohet tani që e shkarkuan është dominante. Model i ilustrimit të konceptit të psikologjisë sociale të pritshmërisë përceptive.

Në fakt është e tmerrshme të shohësh se si publiku e "mirpret" drejtësinë e partisë mbi "armikun" e brendshëm të saj.

Bindja tashmë është e plotë se Rama të shkarkon dhe të arreston!

Kulmi!

Fiks si në në kohën e Enverit. 'Partia ime më arreston'...

Sukses i papaparë i reformës! Rilindi drejtësinë popullore, drejtësinë e partisë mbi çdo të keqe.

Përtej kësaj pritshmërie publike, mendoj se Arbeni as do arrestohet e as di i hyjë gjëmb në këmbë.

Shkarkimin e tij e shoh më shumë si një hakmarrje të çastit të udhëheqësit të lindur mbi disa dyshime për rrjedhje muhabetesh, sesa si masë penale.

Ndoshta e kam gabim,por mua kështu më duket kjo historia e Benit.

Ndërsa pritshmërinë e publikut për drejtësinë që ofron Rama e shoh të frikshme!

Diktatoriale madje.”-shkruan Manjani./CNA.al





Lajmet e fundit nga