web counter
LEXO PA REKLAMA!

SHKARKO APP

App Store
Google Play

“PD nuk ka luksin të braktisë asnjë betejë”/ Kaso: Analizë brenda partisë, jo për ‘kokë turku’

31 Gusht 2025, 22:28, Politikë CNA

“PD nuk ka luksin të braktisë asnjë betejë”/

Sekretari për çështjet ligjore në Partinë Demokratike dhe deputeti i zgjedhur, Ivi Kaso tha sot se Partia Demokratike nuk ka luksin të braktisë asnjë betejë, duke iu referuar zërave për djegie mandatesh.

Në një intervistë televizive, Kaso shprehet se është e rëndësishme që brenda partisë të bëhet një analizë e plotë, jo për të ndëshkuar anëtarë të caktuar, por për të vlerësuar performancën e Kryesisë dhe strukturave drejtuese.

Kaso shtoi se pas zgjedhjeve të 11 majit, PD-së i duhen edhe më shumë emra të rinj.

“Qëndrimi im është që PD nuk ka luksin të braktisë asnjë llogore beteje. PD dhe opozita duhet t’i marrin mandatet, pavarësisht se në një Parlament të cilit i mungon tërësisht legjitimiteti, i dalë nga një palë zgjedhje që kanë qenë tërësisht të pabarabarta, duhet që betejën e saj ta bëjë dhe ta çojë përpara edhe në këto forume.

Kjo analizë është koha të fillojë nga lart-poshtë, pra që nga vlerësimi i performancës së Kryesisë së Partisë Demokratike, me drejtuesit politikë, sekretarët e saj, hierarkinë e lartë ekzekutive, për të kaluar më tej tek vlerësimi i punës së secilit anëtar të Këshillit Kombëtar, më pas të kalojë në vlerësim performance në nivel degësh, grup seksionesh, duke shkuar deri tek seksioni më i fundit.

Kështu, dhe kjo historia e rifreskimit dhe e riformatimit të partisë sigurisht nuk është një tabu. Pas një procesi elektoral të tillë, siç ishte farsa zgjedhore e 11 majit, partia ka nevojë të shohë qoftë edhe një brez të ri që afrohet për të marrë përgjegjësitë politike dhe organizative që i takojnë”- tha Kaso./CNA





Lajmet e fundit nga