web counter
LEXO PA REKLAMA!

SHKARKO APP

E fundit!

x

Pas protestës me mijëra qytetarë/ Duma “i jep mend” Berishës: Të gjejë pikëtakimet me Alibeajn

7 Korrik 2022, 22:48, Politikë CNA
Pas protestës me mijëra qytetarë/ Duma “i jep mend”
Deputetja Grida Duma

Pas përfundimit të protestës që mbushi bulevardin me mijëra qytetarë, deputetja Grida Duma ka kërkuar që kryetari i PD-së, Sali Berisha, dhe Enkelejd Alibeaj të gjejnë pikëtakimet.

Në një lidhje për emisionin “Open”, Duma tha se gjuha e komunikimit të deritanishëm mes tyre duhet të mbarojë.

“Unë nuk kam shkuar në asnjë mbledhje të grupit parlamentar. Vijoj të kryej të gjitha detyrat e mia në komisione. Nuk kam shkuar as tek Alibeaj, as te Berisha. Kjo gjuha me hierarkinë e lartë të PD-së, ku nuk gjendet bashkëpunimi, është një gjuhë që duhet të mbarojë, duhet të gjejmë pikëtakimet dhe jo pikëndarjet. Ashtu siç e gjej veten te demokratët, besoj se neve do na bashkojë nevoja për të qenë me votuesit tanë. Kjo nevojë do të prevalojë”, u shpreh deputetja.

Por ajo që nuk na thotë Duma është se me çfarë tagri po ia jep këto këshilla Berishës? Çfarë përfaqëson Enkelejd Alibeaj në tryezat me qeverinë, kur ai nuk mban asnjë post drejtues në Partinë Demokratike? Përse po vijojnë të mbahen këto takime kur PD zyrtare nuk ia ka dhënë një detyrë të tillë?

Këtyre pyetjeve më shumë se Grida Duma, duhet t’u përgjigjet Enkelejd Alibeaj, që duket se po krijon përçarje në PD, në kohën kur qytetarët treguan se kanë rifituar besimin e humbur tek opozita./ CNA.al





Lajmet e fundit nga