“Parlamenti është varfëruar në cilësi”/ Xhaferri: Të nisim aksionin opozitar në të gjithë Shqipërinë

7 Shtator 2025, 18:18, Politikë CNA

“Parlamenti është varfëruar në cilësi”/

Deputeti i zgjedhur i PD-së, Besart Xhaferri u shpreh sot se duke parë situatën politike në vend, Partia Demokratike duhet të nisë aksionin e saj opozitar në parlament, terren apo edhe në të gjithë Shqipërinë.

Në një intervistë në ‘Syri TV’, Xhaferri kritikoi figurat e parlamentit dhe tha se është varfëruar në cilësi.

Xhaferri shtoi se boshti kryesor i opozitës parlamentare, është dhe do të jetë të zgjojë faktorin e brendshëm dhe të jashtëm për ngjarjet në vend.

“S’ka vlerë të madhe të jesh deputet në parlament ku janë figura të drogës e trafikut. Parlamenti është varfëruar në cilësi, integritet e karakter të deputetit. Për deputetët në pushtet s’ka rëndësi kartoni i tyre personal kur interesat e tyre vihen para atyre kombëtare. Sot është një Republikë kryeministrore, edhe pse çmenduria e tij kalon caqet financiare. Parlament i dalë nga një farsë elektorale, dhe kjo duhet të na bëjë për të nisur aksionin tonë opozitar, si në parlament, terren apo edhe në të gjithë Shqipërinë.

Eksperimenti i mandateve u bë, dhe s’mund të kërkohet për herë të dytë një gjë që u provua dhe që ishte shumë e dëmshme. Besoj se e kemi kuptuar që s’duhet bërë. S’duhet të ketë më një jetë parlamentare. Opozita kërkon të drejtat e saj, dhe si jepen. Jeta parlamentare do jetë gati-gati në grimcë. Por skenë për të bërë kauzat tona si brenda e jashtë saj,

Qeveria e re, është një film i parë. Ka nominuar si Big Brother ministra të ndryshëm, anonimë, që t’i ketë në dorë, marioneta e koka turku për të ardhmen, që një marionetë ta lëshojë ose ta zëvendësojë në të ardhmen. Një kryeministër që ka falimentuar bizneset e shpopulluar Shqipërinë. Interesi kryesor për ministrat, është se flitet për sekserët e pushtetit, që duan akses në ministri për të marrë tender e bërë korrupsion. S’do ndryshojë asgjë emri i një ministri të çdo dikasteri.

11 maji ishte një betejë që u mposht opozita e populli opozitar me një farsë. Mbajtja gjallë e demokracisë, tani po kap gjyqësorin, që s’i binden, mediet… mendoj se duhet të jetë zgjimi i faktorit kombëtar për të ngritur njerëzit për të luftuar, dhe së dyti dhe zgjimi i faktorit ndërkombëtar, për çjerrjen e maskës së këtij regjimi. Lufta jonë ekzistenciale si opozitë, është dhe do të jetë gjithmonë. Boshti kryesor i opozitës parlamentare dhe asaj në terren, është të zgjojë faktorin e brendshëm dhe të jashtëm”,-tha Xhaferri./CNA