web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi: Nuk ka forcë në botë që të mbyllë dosjen McGonigal

17 Shkurt 2024, 19:47, Politikë CNA
Paralajmërimi: Nuk ka forcë në botë që të
Charles McGonigal

Ish-kryeministri Sali Berisha komentoi këtë të shtunë dënimin me 28 muaj burg nga Gjykata federale e Uashingtonit për ish-zyrtarin e FBI-së Charles McGonigal, lidhur me dosjen shqiptare.

Berisha tha se dosja shqiptare ishte ajo më e fëlliqura, pasi zbuloi korrupsionin e kryeministrit Edi Rama me shefin e kundërzbulimit të SHBA-së.

Teksa e cilësoi si një krim të përmasave makbethiane, kreu i PD-së paralajmëroi se nuk ka forcë që e mbyll çështjen e McGonigal në Shqipëri.

“Miqtë e mi, dje u zhvillua një gjyq në Uashington. Në këtë gjyq, kishte vetëm një dosje dhe kjo ishte dosja Edi Rama-McGonigal. Kjo ishte dosja e fëlliqur, në të cilën kryeministri shqiptar, sipas burimeve zyrtare amerikane, kishte korruptuar shefin e kundërzbulimit të vendit të madh në botë, SHBA. E kishte korruptuar për ta përdorur për shkatërrimin e opozitës, për shpalljen non-grata të Sali Berishës pa asnjë fakt, pa asnjë dokument, pa asnjë të dhënë.

Miqtë e mi, McGonigal, për të cilin larot e Edi Ramës, duhet të thonë se krimin e ka kryer për vendin e tij, krimin e ka kryer në Shqipëri dhe kundër Shqipërisë. Me Edi Ramën, ku u morën paratë, 225 mijë euro, që iu dhanë atij për të shkatërruar opozitën shqiptare. A ka krim më të shëmtuar se sa të përdorësh fuqinë e një vendi të madh kundër opozitës së një vendi të vogël?

Ky është krim i përmasave makbethiane. McGonigal nuk u ndal vetëm me kaq, u them larove të Edi Ramës, por hoqi licenca dhe mori licenca duke detyruar taksapaguesit e varfër shqiptarë, të paguajnë dhjetëra e dhjetëra milionë euro gjoba në arbitrazhet ndërkombëtare për ndërhyrjen e tij.

A ka akte më të shëmtuara korruptive se këto? Këto nuk mbyllen kurrë. I them unë sot Edi Ramës, jo Xhorxh Sorosi, por forcë në botë që të mbyll dosjen me McGonigal nuk ka dhe nuk do të ketë”, nënvizoi Berisha./ CNA





Lajmet e fundit nga