web counter
LEXO PA REKLAMA!

SHKARKO APP

App Store
Google Play

Rama kritikon sërish BE-në/ “Kalova traumë, nusja nuk erdhi kurrë në dasmë”

17 Shkurt 2024, 19:35, Politikë CNA

Rama kritikon sërish BE-në/ “Kalova traumë, nusja nuk erdhi

Kryeministri Edi Rama kritikoi sërish Bashkimin Evropian në lidhje me integrimin e Shqipërisë, teksa presidenti i Maqedonisë së Veriut vendosi një afat 5 vjeçar për anëtarësimin në BE.

Rama tha se duke pritur një dritë jeshile nga BE, ka kaluar një traumë me datat e vendosura.

Ai tha se nusja nuk i erdhi kurrë në dasmë, ndaj kërkoi të mos vendosen data, por theksoi se gjithçka duhet fokusuar te detyrat.

“Nuk duhen menduar këto data sepse kam kaluar një traumë me këto data, organizime dasmash, por nusja nuk erdhi kurrë. Na erdhi vetëm një letër nga raporti i progresit që na thoshte iu dashurojmë. Asnjë datë! Së pari nuk ka të bëjë me ta por me ne. S’ka pse të ketë nxitim.

Nuk po kërkojmë të hyjmë aty, kërkojmë nisjen e bisedimeve sepse duam të mësojmë. Negociatat janë transferimi më produktiv i njohurive që një vend mund të marrë në këtë planet për t’u shndërruar në institucione funksionuese. Duhet të bëjmë detyrat tona të shtëpisë dhe të bëjmë vendet tona si vendet anëtare.

Është edhe ana tjetër e medaljes. Mënyra se si procesi është i konceptuar nuk do të funksionojë. Kur nis të flasësh, do të thotë je i fejuar por s’je i martuar. Ka të bëjë me ndryshimin e mënyrës se si kjo marrëdhënie do të zhvillohet. Që do të thotë do të jetë midis gjithçka dhe asgjë dhe anëtarësimit të plotë. Janë 27 dhe mezi vendosin imagjino edhe 6 nga Ballkani”, theksoi kreu i qeverisë./ CNA





Lajmet e fundit nga